Web Desk 
കാസർകോട് പാർലമെൻറ് മണ്ഡലത്തിൽ ഇടതുമുന്നണി സ്ഥാനാർത്ഥിയെ പ്രഖ്യാപിക്കും മുമ്പേ പാണത്തൂർ സംസ്ഥാനപാതയിലെ രാജപുരം വണ്ണാത്തിക്കാനത്ത് ഇടതുമുന്നണി സ്ഥാനാർത്ഥി എം വി ബാലകൃഷ്ണൻ മാസ്റ്ററെ വിജയിപ്പിക്കണമെന്ന് അഭ്യർത്ഥനയുമായി കൂറ്റൻ ഫ്ലക്സ് ബോർഡ് ഉയർന്നു. ഇടതുമുന്നണി സ്ഥാനാർത്ഥിയായി മത്സരിക്കുന്ന സഖാവ് ബാലകൃഷ്ണൻ മാസ്റ്റർക്ക് അരിവാൾ ചുറ്റിക നക്ഷത്രം അടയാളത്തിൽ വോട്ട് രേഖപ്പെടുത്തണമെന്നാണ് ഫ്ലക്സ് ബോർഡിലുള്ളത്. സാധാരണയായി തെരഞ്ഞെടുപ്പ് അടുത്ത് വരുമ്പോൾ ഇടതുമുന്നണി പ്രവർത്തകർ ചുമരുകൾ ബുക്ക് ചെയ്യുന്ന പതിവുണ്ടായിരുന്നുവെങ്കിലും ആ പതിവുകൾക്ക് വിപരീതമായി ഇതാദ്യമായാണ് സ്ഥാനാർഥിയെ പ്രഖ്യാപിക്കും മുമ്പേ സ്ഥാനാർത്ഥിയെ വിജയിപ്പിക്കണമെന്ന് ആവശ്യപ്പെട്ട് ഫോട്ടോയോടുകൂടിയ ഫ്ലക്സ് ബോർഡ് ഉയർത്തിയിരിക്കുന്നത്.
