നീലേശ്വരം: നീലേശ്വരം അഞ്ഞൂറ്റമ്പലം വീരക്കാവ് ക്ഷേത്രത്തിലെ കളിയാട്ടത്തോടനുബന്ധിച്ച് ഉണ്ടായ വെടിക്കെട്ട് അപകടത്തിൽ മരണപ്പെട്ടത് ചോയ്യംങ്കോട് ടൗണിലെ ഓട്ടോറിക്ഷ ഡ്രൈവർ സന്ദീപ് (38). കരിന്തളം കിനാനൂരിലെ കുഞ്ഞിരാമൻ -സാവിത്രി ദമ്പതികളുടെ മകനാണ് സന്ദീപ് . ഇന്ന് രാത്രി ഏഴരയോടെ കണ്ണൂരിലെ ബേബി മെമ്മോറിയൽ ആശുപത്രിയിൽ വച്ചാണ് മരണപ്പെട്ടത് . ദേഹമാസകലം പൊള്ളലേറ്റ സന്ദീപ് വെന്റിലേറ്ററിൽ ആയിരുന്നു . നേരത്തെ സ്വകാര്യ ബസ്സിലെ കണ്ടക്ടർ ആയിരുന്ന സന്ദീപ് കുറച്ചു നാളായി ചോയ്യംങ്കോട് ടൗണിൽ ഓട്ടോറിക്ഷ ഓടിച്ചു വരികയായിരുന്നു. ഭാര്യ വിജില. മക്കൾ : സാൻവിയ, ഇവാനിയ, സഹോദരങ്ങൾ: സജേഷ് (ഗൾഫ് ), സവിത .
Web Desk 
