പഠന പ്രവർത്തനങ്ങളുടെ ദൃശ്യാവിഷ്ക്കാരവുമായി എസ് കെ ജി എം എ യു പി സ്ക്കൂളിൽ പഠനോത്സവം നടന്നു

കരിന്തളം: കുമ്പളപ്പള്ളി എസ് കെ ജി എം എ യു പി സ്ക്കൂളിൽ പഠന പ്രവർത്തനങ്ങളുടെ നേരനുഭവങ്ങളുമായി നടന്ന സ്ക്കൂൾ പഠനോൽസവം ശ്രദ്ധ്യേയമായി. വാർഡ് മെമ്പർ കെ വി ബാബു ഉദ്ഘാടനം ചെയ്തു. മദർ പി ടി എ പ്രസിഡൻ്റ് സിന്ധു വിജയകുമാർ അധ്യക്ഷത വഹിച്ചു.പി ടി എ വൈസ് പ്രസിഡൻ്റ് ടി സിദ്ധിക്ക്, വി കെ ഗിരീഷ് എന്നിവർ സംബന്ധിച്ചു. ഹെഡ്മാസ്റ്റർ ജോളി ജോർജ്ജ് കെ സ്വാഗതം പറഞ്ഞു.

ഒരു വർഷ കാലയളവിലെ പഠനപ്രവർത്തനങ്ങളുടെ അനുഭവ സമ്പത്തുവുമായിട്ടാണ് കുട്ടികൾ വിവിധ പ്രകടനങ്ങൾ കാഴ്ചവെച്ചത്. ഓരോ ക്ലാസ്സിലെയും പാഠ ഭാഗങ്ങളുടെ ദൃശ്യാവിഷ്ക്കാരമായിരുന്നു കുട്ടികൾ അവരുടെ കഴിവിലൂടെ പ്രകടമാക്കിയത്. പരിപാടി എവരുടെയും പ്രശംസ പിടിച്ചു പറ്റി. പരിപാടികൾക്ക് അധ്യാപകർ നേതൃത്വം നൽകി.