ബൈക്കിൽ മിനി ലോറിയിടിച്ച് പ്രവാസി യുവാവ് മരിച്ചു; സഹോദരന് ഗുരുതരം

വെള്ളിക്കോത്ത് പെരളത്ത് മിനിലോറിയും ബൈക്കും കൂട്ടിയിടിച്ച് പ്രവാസി യുവാവ് മരണപ്പെട്ടു. കൂടെയുണ്ടായിരുന്ന സഹോദരന് ഗുരുതരമായി പരിക്കേറ്റു. പുല്ലൂർ മാടിക്കാൽ കൃഷ്ണദാസ് (45) ആണ് മരണപ്പെട്ടത്. പരിക്കേറ്റ സഹോദരനെ കാഞ്ഞങ്ങാട്ടെ സ്വകാര്യ ആശുപത്രിയിൽ പ്രവേശിപ്പിച്ചു. ഇന്ന് ഉച്ചയോടെയാണ് അപകടമുണ്ടായത്. കൃഷ്ണദാസ് സഞ്ചരിച്ച ബൈക്കിൽ എതിരെ മീൻ കയറ്റി വന്ന മിനിലോറിയാണ് ഇടിച്ചത്. ഒരുമാസം മുമ്പ് നാട്ടിലെത്തിയ കൃഷ്ണദാസ് രണ്ടാഴ്ച കഴിഞ്ഞ് ഗൾഫിലേക്ക് മടങ്ങാനിരിക്കുകയായിരുന്നു. ഭാര്യ:ദിവ്യ. മക്കൾ:ദൃശ്യ, ശ്രദ്ധ.