Web Desk 
സ്കൂട്ടറിൽ കടത്താൻ ശ്രമിച്ച ലക്ഷങ്ങൾ വിലമതിക്കുന്ന എംഡി എം മയക്കുമരുന്നുമായി യുവാവിനെ മേൽപ്പറമ്പ് എസ് ഐ വി കെ അനീഷും സംഘവും അറസ്റ്റ് ചെയ്തു. കർണാടക ചിക്കമംഗളൂർ മൂഡിഗിരെ സ്വദേശിയും കൊപ്പലിലെ ബൈത്ത് സലാമിന്റെ പറമ്പിലെ ജോലിക്കാരനുമായ അബ്ദുൽ റഹ്മാൻ എന്ന രവിയെ(28)യാണ്. ഇന്നലെ രാത്രി 9 മണിയോടെ അറസ്റ്റ് ചെയ്തത്. മേൽപ്പറമ്പ് കൈനോത്ത് ടാറ്റാ സ്പോർട്സ് ക്ലബ്ബിന് മുന്നിൽ വച്ച് വാഹന പരിശോധനയ്ക്കിടെ കെ എൽ 14 ഡബ്ലിയു 17 7 0 നമ്പർ സ്കൂട്ടറിൽ വരികയായിരുന്ന അബ്ദുറഹ്മാനെ പോലീസ് കൈകാണിച്ചു നിർത്തിയപ്പോൾ ഇയാൾ ഓടി രക്ഷപ്പെടാൻ ശ്രമിച്ചു എസ്ഐയും സംഘവും ഇയാളെ പിന്തുടർന്ന് പിടികൂടുകയായിരുന്നു. പിന്നീട് നടത്തിയ പരിശോധനയിലാണ് ഇയാൾ നിന്നും മയക്കുമരുന്ന് കണ്ടെത്തിയത്. മയക്കുമരുന്ന് വേട്ടയിൽ എസ്ഐക്കൊപ്പം ഗ്രേഡ് എസ് ഐ ശശിധരൻ സീനിയർ സിവിൽ പോലീസ് ഓഫീസർ രഞ്ജിത്ത്, ഡ്രൈവർ സജിത്ത് എന്നിവരും ഉണ്ടായിരുന്നു.
