ഓൺലൈൻ ജോലി തട്ടിപ്പിൽ യുവാവിന്റെ ഒന്നര ലക്ഷം നഷ്ടപ്പെട്ടു

ഓണ്‍ലൈന്‍ ജോലി വാഗ്ദാനത്തിൽ കുടുങ്ങി യുവാവിന്റെ ഒന്നരലക്ഷം രൂപ നഷ്ടപ്പെട്ടു. ചിത്താരി രാവണേശ്വരം തന്നോട്ടെ തമ്പാന്റെ മകന്‍ വി സുജേഷാണ്(39) തട്ടിപ്പിനിരയായത്. ഇസ്രായേങ്കിംങ് ഡിജിറ്റല്‍ പാര്‍ട്ട്ണര്‍ ഇന്ത്യ 92 എന്ന വാട്‌സ്ആപ്പ് വഴി യൂട്യൂബിനെ പിന്തുടര്‍ന്ന് ഇന്‍സ്റ്റഗ്രാമിലൂടെയാണ് സുജേഷ് തട്ടിപ്പിനിരയായത്. ലാഭവിഹിതം വാഗ്ദാനം ചെയ്ത് ഗൂഗിള്‍ പേ വഴിയും ഐസിഐസിഐ ബാങ്ക് അക്കൗണ്ട് വഴിയും ഫെബ്രുവരി 28 മുതല്‍ മാര്‍ച്ച് രണ്ടുവരെയുള്ള കാലയളവിലാണ് സുജേഷ് പണം നല്‍കിയത്. എന്നാല്‍ പിന്നീട് ലാഭവിഹിതമോ നല്‍കിയ തുകയോ തിരിച്ചു നല്‍കാതെ വഞ്ചിച്ചു എന്നാണ് കേസ്.