കക്കാട്ട് ഗവൺമെന്റ് ഹയർ സെക്കൻഡറി സ്കൂളിൽ ലോക ലഹരി വിരുദ്ധ ദിനം ആചരിച്ചു

നീലേശ്വരം: കക്കാട്ട് ഗവ.ഹയർ സെക്കൻററി സ്കൂളിൽഎസ് പി സി യൂണിറ്റിൻ്റെ ആഭിമുഖ്യത്തിൽ ലോക ലഹരി വിരുദ്ധ ദിനം ആചരിച്ചു. ഹെഡ്മാസ്റ്റർ കെ.എം. ഈശ്വരൻ ഉദ്ഘാടനം ചെയ്തു. ലഹരി വിരുദ്ധ ബോധവൽക്കരണ പ്രവർത്തനങ്ങളിൽ സജീവമായ ഡ്രീം കാസർകോഡ് എന്ന സന്നദ്ധ സംഘടനയുടെ സഹകരണത്തോടെയാണ് പരിപാടി നടത്തിയത്. ഡ്രീമിൻ്റെ കാസർഗോഡ് ജില്ലാ കൗൺസിലർ സൂര്യ സുനിൽ ‘ആസക്തിയും കൗമാരക്കാരുടെ മാനസികാരോഗ്യവും ‘ എന്ന വിഷയത്തിൽ ക്ലാസ്സെടുത്തു.ജനമൈത്രി ബീറ്റ് ഓഫീസർ പ്രദീപൻ കോതോളി അധ്യക്ഷത വഹിച്ചു. സ്റ്റാഫ് സെക്രട്ടറി എം.കെ. ബിന്ദു ആശംസയർപ്പിച്ച് സംസാരിച്ചു. കമ്യൂണിറ്റി പോലീസ് ഓഫീസർ ഡോ.പി.കെ.ദീപക് സ്വാഗതവും എം.വി.ആശ നന്ദിയും പറഞ്ഞു . ലഹരിക്കെതിരെയുള്ള ഹ്രസ്വ സിനിമകൾ പ്രദർശിപ്പിച്ചു.