റോഡരികിൽ നിൽക്കുകയായിരുന്ന രണ്ടുപേർക്ക് കാറിടിച്ച് പരിക്കേറ്റു

കാറിടിച്ച് റോഡരികിൽ നിൽക്കുകയായിരുന്ന രണ്ടുപേർക്ക് പരിക്കേറ്റു. പള്ളിക്കര വേങ്ങര വളപ്പിൽ വീട്ടിൽ വി. വി കൃഷ്ണന്റെ മകൻ എം .ബാബു( 48), സുഹൃത്ത് ചെമ്മാക്കര വാഴവളപ്പിൽ വീട്ടിൽ കുഞ്ഞിരാമൻറെ മകൻ വി വി കുഞ്ഞികൃഷ്ണൻ (65 ) എന്നിവർക്കാണ് പരിക്കേറ്റത്. കഴിഞ്ഞദിവസം സന്ധ്യയോടെ പള്ളിക്കര ദേശീയപാതയിൽ പബ്ലിക് റീഡിങ് റൂമിന് സമീപം റോഡരികിൽ നിൽക്കുകയായിരുന്നു ഇവരെ ചെറുവത്തൂർ ഭാഗത്തുനിന്നും അമിത വേഗതയിൽ വന്ന ടി. ഒ 224 kl3865 ബി നമ്പർ കാർ ഇടിച്ച് പരിക്കേൽപ്പിക്കുകയായിരുന്നു. സംഭവത്തിൽ കാർ ഓടിച്ച ചെറുതാഴം മണ്ടൂരിലെ എം മുഹമ്മദിനെതിരെ നീലേശ്വരം പോലീസ് കേസെടുത്തു.