ബാങ്കിൽ മുക്കുപണ്ടം പണയം വെക്കാൻ ശ്രമിച്ച രണ്ടുപേർ അറസ്റ്റിൽ 

സഹകരണ ബാങ്കിൽ മുക്കുപണ്ടം പണയപ്പെടുത്തി രണ്ടു ലക്ഷം രൂപ തട്ടിയെടുക്കാൻ ശ്രമിച്ച രണ്ടുപേരെ ചീമേനി പോലീസ് അറസ്റ്റ് ചെയ്തു. ചീമേനി പെട്ടിക്കുണ്ടിലെ കണ്ടോത്തുപുരയിൽ ഭാസ്കരന്റെ മകൻ കെ രാജേഷ്, ചീമേനി ആമത്തലയിൽ എപികെ ഹൗസിൽ അബ്ദുൽ റഹ്മാന്റെ മകൻ എപികെ അഷറഫ് എന്നിവരെയാണ് ചീമേനി പോലീസ് അറസ്റ്റ് ചെയ്തത്. ഇന്നലെ വൈകിട്ട് തിമിരി സർവീസ് സഹകരണ ബാങ്കിന്റെ ഞാണങ്കൈ ശാഖയിലാണ് ഇവർ മുക്കുപണ്ടം പണയം വെക്കാൻ എത്തിയത്. സംശയം തോന്നിയ ബാങ്ക് മാനേജർ കൊടക്കാട് വെള്ളച്ചാലിലെ സീതാലയത്തിൽ ഒ. പി ലങ്കേഷ് ചീമേനി പോലീസിൽ വിവരമറിയിക്കുകയായിരുന്നു. പോലീസ് എത്തിയാണ് ഇരുവരെയും അറസ്റ്റ് ചെയ്തത്.