ബസ് ഡ്രൈവറെ ആക്രമിച്ച മൂന്ന് സ്വകാര്യ ബസ് ജീവനക്കാർ അറസ്റ്റിൽ

പെരിങ്ങോം. ബസ് സമയത്തെ ചൊല്ലി ഉണ്ടായ തർക്കത്തിന്റെ വിരോധത്തിൽ സ്വകാര്യ ബസ് ഡ്രൈവറെ വധിക്കാൻ ശ്രമം. സംഭവത്തിൽ മൂന്ന് സ്വകാര്യ ബസ് ജീവനക്കാരെ പോലീസ് അറസ്റ്റ് ചെയ്തു.സ്വകാര്യ ബസ് ഡ്രൈവർ ചൂരൽ കുറുവേലിയിലെ വി.വി.ഷാജി (51) യുടെ പരാതിയിൽ സ്വകാര്യ ബസ് ഡ്രൈവർ പെരിങ്ങോം തിലക് റോഡിലെ എസ്.സുധീഷ് (34), മധുമന്ദിരത്തിൽ സുജിത് മോൻ (34), കുറ്റൂർ കോടന്നൂരിലെ പി.വിജയ് പ്രശാന്ത് (38) എന്നിവരെയാണ് പെരിങ്ങോം ഇൻസ്പെക്ടർ മെൽബിൻ ജോസിൻ്റെ നേതൃത്വത്തിൽ എസ്.ഐ.കെ.ഖദീജയും സംഘവും പിടികൂടിയത്.

വെളളിയാഴ്ച രാത്രി സ്കൂട്ടറിൽ പോകുകയായിരുന്ന ഷാജിയെ മടക്കാം പൊയിൽ അയ്യപ്പക്ഷേത്രത്തിന് സമീപം വെച്ച് ബുള്ളറ്റിലും ബൈക്കിലുമായി എത്തിയ പ്രതികൾ ആക്രമിക്കുകയായിരുന്നു .സാരമായി പരിക്കേറ്റ ഷാജിയെ പരിയാരത്തെ കണ്ണൂർ ഗവ.മെഡിക്കൽ കോളേജാശുപത്രിയിൽ പ്രവേശിപ്പിച്ചിരുന്നു. പരാതിയിൽ മൊഴിയെടുത്ത പോലീസ് പ്രതികൾക്കെതിരെ വധശ്രമത്തിന് കേസെടുക്കുകയായിരുന്നു.ഇക്കഴിഞ്ഞ2 ബുധനാഴ്ച ഉച്ചക്ക് ക്ക് പയ്യന്നൂർപഴയ ബസ് സ്റ്റാൻ്റ് ടാക്സി സ്റ്റാൻ്റിന് സമീപം വെച്ച് ഷാജി ബസ് സമയം വൈകി ഓടുന്നത് ചോദ്യം ചെയ്ത വിരോധത്തിൽ കെ.എൽ.59.പി.6053 നമ്പർ ബസ് ഡ്രൈവറായ സുധീഷ് കാൽമുട്ടിന് വീൽസ്പാനർ കൊണ്ട് അടിക്കുകയും മർദ്ദിക്കുകയും ചെയ്തുവെന്ന പരാതിയിൽ സുധീഷിനെതിരെ പയ്യന്നൂർ പോലീസ് കേസെടുത്തിരുന്നു ഇതിൻ്റെ വിരോധത്തിൽ സംഘം ചേർന്ന് പരാതിക്കാരനെ ആക്രമിക്കുകയായിരുന്നു