Web Desk 
നീലേശ്വരം:സംസ്ഥാന സര്‍ക്കാര്‍ 3 കോടി രൂപ ബഡ്ജറ്റില്‍ അനുവദിച്ച തോട്ടം – തൈക്കടപ്പുറം റോഡ് മെക്കാഡം ടാറിംഗ് പ്രവൃത്തി നടത്തുന്നതിനുള്ള എസ്റ്റിമേറ്റ് തയ്യാറാക്കി. തൃക്കരിപ്പൂര്‍ എം.എല്‍.എ എം.രാജഗോപാലന്‍ ആവശ്യപ്പെട്ടതു പ്രകാരമാണ് തൈക്കടപ്പുറം റോഡിന് സംസ്ഥാന ബജറ്റില്‍ തുക അനുവദിച്ചത്. സംസ്ഥാന ഹാര്‍ബര്‍ എഞ്ചിനീയറിംഗ് വകുപ്പിനാണ് നിര്‍മ്മാണ ചുമതല നല്‍കിയിരിക്കുന്നത്. ഹാര്‍ബര്‍ എഞ്ചിനീയറിംഗ് വിഭാഗം അസിസ്റ്റന്‍റ് എക്സിക്യൂട്ടീവ് എഞ്ചിനീയര്‍ കെ.സുനീഷിന്റെ നേതൃത്വത്തിലുള്ള സാങ്കേതിക വിഭാഗം ഉദ്യോഗസ്ഥരാണ് എസ്റ്റിമേറ്റ് തയ്യാറാക്കുന്നത്. നീലേശ്വരം നഗരസഭാ വൈസ് ചെയര്‍മാന്‍ പി.പി.മുഹമ്മദ്റാഫി, വികസനസ്ഥിരം സമിതി ചെയര്‍പേഴ്സണ്‍ വി.ഗൗരി, കൗണ്‍സിലര്‍ കെ.പ്രീത, കെ.വി.ദാമോദരന്‍, പി.കെ.പ്രകാശന്‍, അഷറഫ് കണിച്ചിറ എന്നിവരും കൂടെ ഉണ്ടായിരുന്നു.
Related Posts:
