സ്റ്റുഡന്റ് പോലീസ് കേഡറ്റ് പ്രോജക്ടിന്റെ നേതൃത്വത്തിൽ ശില്പശാല നടത്തി.

സ്ക്കൂൾ തുറക്കുന്നതിന് മുന്നോടിയായി പോലീസ് ഉദ്യോഗസ്ഥർക്കും അധ്യാപകർക്കും കാസർകോട് എസ് പി സി യൂണിറ്റിന്റെ നേതൃത്വത്തിൽ ഡോൺ ബോസ്കോ ഡ്രീം കാസർകോടിന്റെ സഹകരണത്തോടെ ഏകദിനശില്പശാല നടത്തി. കോട്ടപ്പുറത്തെ നീലേശ്വരം നഗരസഭ ടൗൺ ഹാളിൽ നടന്ന ശില്പശാല കാഞ്ഞങ്ങാട് ഡി ഇ ഒ ബാലദേവിയുടെ അധ്യക്ഷയിൽ കാസർകോട് ജില്ലാപോലീസ് മേധാവി ബിജോയ് ഉദ്ഘാടനം ചെയ്തു. ഡോൺ ബോസ്കോ ഡ്രീം കാസർകോട് ഡയരക്ടർ സണ്ണി തോമസ്സ് , നീലേശ്വരം, ചീമേനി പോലീസ് ഇൻസ്പെക്ടർമാരായ കെ വി ഉമേശൻ, കെ.സലീം, ഫെഡറൽ ബാങ്ക് കാഞ്ഞങ്ങാട് ക്ലസ്റ്റർ ഹെഡ് രാഹുൽ കൃഷ്ണൻ, കേരള പോലീസ് ഓഫീസ്സേൾസ് അസോസിയേഷൻ ജില്ലാ സെക്രട്ടറി പി രവീന്ദ്രൻ, ചീമേനി ഗവ.ഹയർ സെക്കന്ററി ഹെഡ്മാസ്റ്റർ സക്കറിയ, എസ് പി സി കോർ കമ്മറ്റി അംഗങ്ങളായ സി ഗോപീകൃഷ്ണൻ, പ്രദീപൻ കോതോളി എന്നിവർ സംസാരിച്ചു. എസ് പി സി അസ്സി. നോഡൽ ഓഫീസ്സർ ടി തമ്പാൻ പദ്ധതി വിശദീകരിച്ചു. അസ്സി. പ്രൊഫസ്സർ സുബൈർ ക്ലാസ്സ് കൈകാര്യം ചെയ്തു. നാർക്കോട്ടിക് ഡി വൈ എസ് പി യും എസ് പി സി നോഡൽ ഓഫീസ്സറുമായ സി. സുഭാഷ്ബാബു സ്വാഗതവും,ഡോൺബോസ്ക്കോ ഡ്രീം ജില്ലാ കോർഡിനേറ്റർ അജി തോമസ്സ് അടിയായിപ്പളളിയിൽ നന്ദിയും പറഞ്ഞു . ശില്പശാലയിൽ എസ് പി സി സ്കൂളിലെ പ്രധാന അധ്യാപകർ, കമ്മ്യൂണിറ്റി പോലീസ് ഓഫീസ്സർമാർ , പോലീസ് ഉദ്യോഗസ്ഥൻമാർ എന്നിവർ പങ്കെടുത്തു.