റോഡരികിലെ ഓടയിൽ വീണ് പരിക്കുകളുടെ വീട്ടിലെത്തിയ ഭർത്താവിനെ കണ്ട് ഭാര്യ കുഴഞ്ഞുവീണ മരിച്ചു. കാഞ്ഞങ്ങാട് ശ്രീകൃഷ്ണ ക്ഷേത്രത്തിന് സമീപത്തെ ‘ദീപത്തിൽ’ മീര കാം ദേവ് (65 )ആണ് കുഴഞ്ഞു വീണ് മരിച്ചത്. റേഷൻ കടയിൽ പോയി മടങ്ങി വരികയായിരുന്ന മീരയുടെ ഭർത്താവ് എച്ച് എൻ കാംദേവ് സംസ്ഥാനപാതയോടെ ചേർന്നുള്ള ഓടയിൽ വീഴുകയായിരുന്നു. സമീപവാസികൾ ഓടിയെത്തി കാംദേവിനെ കാറിൽ കയറ്റി വീട്ടിലേക്ക് കൊണ്ടുപോയി ഓടയിൽ വീണ് ചെളിപുരണ്ട ശരീരവുമായി വരുന്ന ഭർത്താവിനെ കണ്ടഉടൻ മീര കുഴഞ്ഞു വീണു. അതേ കാറിൽ തന്നെ തൊട്ടടുത്തുള്ള സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ ആയില്ല. മക്കൾ: രാകേഷ് (കാനഡ), ദീപാ രമേശ് (ചെന്നൈ), ശിൽപ്പ വിഷ്ണു (ദുബായ്). മരുമക്കൾ:സന്ധ്യ (കാനഡ), ആർ.രമേശ് (ചെന്നൈ ),വിഷ്ണു രാജശേഖരൻ (ദുബായ്). സഹോദരങ്ങൾ: ചന്ദ്രൻ, വിവേക്, വേണി, ശശികല.
Web Desk 
