കാപ്പ ചുമത്തിയ വാറണ്ട് പ്രതി അറസ്റ്റിൽ

നിരവധി കേസുകളിൽ പ്രതിയായി കാപ്പ ചുമത്തിയ യുവാവിനെ റെയിൽവെ പോലീസ് പിടികൂടി.ഹൊസ്ദുർഗ് സ്റ്റേഷനിൽ മാല മോഷണ കേസിൽ വാറൻ്റു പ്രതിയായ പനയാൽ പാക്കം ചെർക്കപ്പാറ സ്വദേശി ഹസ്ന മൻസിലിൽ ഇബ്രാഹിം ബാദുഷയെ(26)യാണ് കണ്ണൂരിൽ വെച്ച് റെയിൽവെ പോലീസ് പിടികൂടിയത്. ബേക്കൽ പോലീസ് സ്റ്റേഷൻ പരിധിയിലെ നിരവധി കേസിൽ പ്രതിയായ ഇയാൾക്കെതിരെ കാപ്പാ നിയമം ചുമത്തി നോട്ടീസ് അയച്ചിട്ടും കൈപ്പറ്റാതെ മുങ്ങി നടക്കുന്നതിനിടെയാണ് കണ്ണൂരിൽ പിടിയിലായത്. ഹൊസ്ദുർഗ് പോലീസ് അറസ്റ്റു ചെയ്ത പ്രതിയെ ഇന്ന് കോടതിയിൽ ഹാജരാക്കും.