Web Desk 
ലോകസഭ തിരഞ്ഞെടുപ്പ് 2024ന്റെ പ്രചരണ പ്രവർത്തനങ്ങളുടെ ഭാഗമായി സ്വീപിൻ്റെ നേതൃത്വത്തിൽ ജില്ലാതല മൈലാഞ്ചിയിടൽ മൽസരം നടത്തി. കളക്ടറേറ്റ് കോൺഫറസ് ഹാളിൽ നടന്ന മൽസരത്തിൽ വിവിധ പഞ്ചായത്തുക്കളിൽ നിന്നും 17 ടീമുകൾ പങ്കെടുത്തു. അസിസ്റ്റന്റ് കളക്ടർ ദിലീപ് കൈനിക്കര ഉദ്ഘാടനം ചെയ്തു. സ്വീപ് നോഡൽ ഓഫീസർ ടി ടി സുരേന്ദ്രൻ അധ്യക്ഷത വഹിച്ചു. മൽസര വിജയികൾക്കുള്ള സമ്മാനദാനം ഇലക്ഷൻ ഡെപ്യൂട്ടി കളക്ടർ പി.അഖിൽ, ജില്ലാ ഇൻഫർമേഷൻ ഓഫീസർ എം. മധുസൂദനൻ ഇലക്ഷൻ ജൂനിയർ സൂപ്രണ്ട് ജി കെ സുരേഷ് ബാബു എന്നിവർ നിർവഹിച്ചു. കുടുംബശ്രീ എ ഡി എം സി സി.എച്ച് ഇക്ബാൽ, ജില്ല പ്രോഗ്രാം മാനേജർമാരായ എം.രേഷ്‌മ, ഇ.ഷിബി, പി. രത്നേഷ്, യദുരാജ് എന്നിവർ പരിപാടിയിൽ പങ്കെടുത്തു.
ചെങ്കള പഞ്ചായത്തിലെ ഖദീജത്ത് സുഹൈല, സൈനബ അഹമ്മദ് എന്നിവർ ഒന്നാം സ്ഥാനവും മഷ്റൂഫ, ഹാജിറ രണ്ടാം സ്ഥാനവും കുമ്പള പഞ്ചായത്തിലെ ഹഫീഫ, ഇഫ എന്നിവർ മൂന്നാം സ്ഥാനവും നേടി.
