Web Desk 
മാനവരാശിക്ക് മാർഗദർശനം നൽകിയ വിശുദ്ധ ഖുർആൻ്റെ സന്ദേശം എല്ലാ ജനവിഭാഗങ്ങളിലുമെത്തിക്കാൻ വിശ്വാസി സമൂഹം ബാധ്യസ്ഥരാണെന്ന് വഖഫ് ബോർഡ് മുൻ ചെയർമാൻ പാണക്കാട്ട് റഷീദലി ശിഹാബ് തങ്ങൾ. ഇക്കാര്യത്തിൽ ഖുർആൻ പഠിതാക്കൾക്കും സ്ഥാപനങ്ങൾക്കും ഉത്തരവാദിത്തമുണ്ടെന്ന് അതിഞ്ഞാൽ കോയാപ്പള്ളി തഹ്ഫീളുൽ ഖുർആൻ കോളേജിൽ ഖുർആൻ മന:പാഠമാക്കിയവർക്കുള്ള അനുമോദനവും ഹജ്ജാജിമാർക്കുള്ള യാത്രയയപ്പും ഉദ്ഘാടനം ചെയ്ത് കൊണ്ട് റഷീദലി തങ്ങൾ പറഞ്ഞു.
കോയാപ്പള്ളി പ്രസിഡൻ്റ് കെ കെ അബ്ദുള്ള ഹാജി അദ്ധ്യക്ഷത വഹിച്ചു. ജനറൽ സെക്രട്ടറി കെ എം അഹ് മദ് അഷ്റഫ് ഹന്ന സ്വാഗതം പറഞ്ഞു. അതിഞ്ഞാൽ പ്രസിഡൻ്റ് വി കെ അബ്ദുള്ള ഹാജി, റഷീദ് സഅദി , ബഷീർ അജ് വ , റഹ്മത്തുള്ള, എന്നിവരുൾപ്പെടെയുള്ളവർക്കാണ് യാത്രയയപ്പ് നൽകിയത്.
ഖുർആൻ മന:പാഠമാക്കിയവർക്കുള്ള ഉപഹാരങ്ങൾ റഷീദലി തങ്ങൾ നൽകി. ടി. ടി അബ്ദുൾ ഖാദർ അസ്ഹരി,എം ടി പി. അബ്ദുൾ കരീം മുസ്‌ലിയാർ, മുഹ്‌യദ്ധീൻ അസ്ഹരി, വി കെ അബ്ദുള്ള ഹാജി, സി.എച്.സുലൈമാൻ, മുഹമ്മദ് അസ്‌ലം, മാട്ടുമ്മൽ ഹസ്സൻ, തെരുവത്ത് മൂസ ഹാജി, പാലാട്ട് ഹുസൈൻ, ബഷീർ വെള്ളിക്കോത്ത്, എ.ഹമീദ് ഹാജി, റഷീദ് സഅദി, ഹാഫിള് സവാദ് ബാഖവി,
എം. ബി. എം അഷ്റഫ് മുട്ടുന്തല, അബ്ദുറഹ്മാൻ ഖാലിദ് അറബിക്കാടത്ത്, പി. ബി.കുഞ്ഞബ്ദുള്ള ലീഗ് മൊയ്തു, ആശിഫ് ഹന്ന എന്നിവർ സംസാരിച്ചു. കെ.കരീം നന്ദിയും പറഞ്ഞു.
