വൃദ്ധസദനത്തിൽ നിന്നും കാണാതായ അന്തേവാസിയെ നാട്ടുകാരും നീലേശ്വരം പോലീസും ചേർന്ന് രക്ഷപ്പെടുത്തി

വൃദ്ധസദനത്തിൽ നിന്നുംകാണാതായ അന്തേവാസിയെ നാട്ടുകാരും നീലേശ്വരം പോലീസുംചേർന്ന് കണ്ടെത്തി.അമ്പലത്തറ മൂന്നാംമൈലിലെ വൃദ്ധസദനത്തിൽ നിന്നും കാണാതായ കർണാടക സ്വദേശിയെയാണ് കരുവാച്ചേരിയിൽ വച്ച് ഇന്നലെ രാത്രി നാട്ടുകാർ കണ്ടെത്തിയത്. മൂന്ന് ദിവസം മുമ്പാണ് സംസാര വൈകല്യമുള്ള കർണാടക സ്വദേശിയായ അന്തേവാസിയെ കാണാതായത്. ഇത് സംബന്ധിച്ച് വൃദ്ധസദനത്തിലെ ബ്രദർ വിശ്വദാസിന്റെ പരാതിയിൽ അമ്പലത്തറ പോലീസ് കേസെടുത്തു അന്വേഷണം നടത്തുന്നതിനിടയിലാണ് ഇന്നലെ രാത്രി ഇദ്ദേഹത്തെ നീലേശ്വരം കരുവാച്ചേരിയിൽ അവശനിലയിൽ നാട്ടുകാർ കണ്ടെത്തിയത്. തുടർന്ന് നാട്ടുകാർ നീലേശ്വരം പോലീസിനെ വിവരം അറിയിക്കുകയായിരുന്നു.നീലേശ്വരം എസ് ഐ മധുസൂദനൻ മടിക്കൈ, ജനമൈത്രി ബീറ്റ് ഓഫീസർ പ്രദീപൻ കോതോളി, ഡ്രൈവർ പ്രദീപൻ, ഓട്ടോറിക്ഷ ഡ്രൈവേഴ്സ് യൂണിയൻ സിഐടിയു നീലേശ്വരം യൂണിറ്റ് സെക്രട്ടറി ഹരീഷ് കരുവാച്ചേരി നാട്ടുകാർ എന്നിവരാണ് ഇദ്ദേഹത്തെ രക്ഷപ്പെടുത്തിയത്.