കേരളത്തിലെ മികച്ച അർബൻ ബാങ്കുകൾക്ക് ഏർപ്പെടുത്തിയ എക്സലെൻസ് അവാർഡ് നീലേശ്വരം കോ ഓപ്പറേറ്റീവ് അർബൻ ബാങ്കിന് സമ്മാനിച്ചു

കേരള കോ-ഓപ്പറേറ്റീവ് അർബൻ ബാങ്ക് ചീഫ് എക്സിക്യൂട്ടീവ് ഫോറം കേരളത്തിലെ മികച്ച അർബൻ ബാങ്കുകൾക്ക് ഏർപ്പെടുത്തിയ എക്സലെൻസ് അവാർഡിൽ ഒന്നാം സ്ഥാനം നീലേശ്വരം കോ ഓപ്പറേറ്റീവ് അർബൻ ബാങ്കിന് ലഭിച്ചു. എർണാകുളത്ത് രണ്ട് ദിവസങ്ങളിലായി നടന്ന ശില്പശാലയിൽ വെച്ച് ഭാരതീയ റിസർവ്വ് ബാങ്കിൻ്റെ റീജണൽ ഡയറക്ടർ തോമസ് മാത്യുവിൽ നിന്നു. ബാങ്ക് ചെയർമാൻ കെ.പി.നാരായണനും ജനറൽ മാനേജർ എം.വി.രാജീവനും ചേർന്ന് അവാർഡ് ഏറ്റുവാങ്ങി. റിസർവ്വ് ബാങ്ക് മാനേജർമാരായ ഷൈനി സുനിൽ, പ്രജീഷ് വി എസ്.നാഷണൽ ഫെഡറേഷൻ ഡയറക്ടർ വി എസ് ദാസ്, കേരള അർബൻ ബാങ്ക് ഫെഡറേഷൻ ചെയർമാൻ ടി പി ദാസൻ , ജനറൽ സെക്രട്ടറി അഡ്വക്കറ്റ് ജയവർമ്മ എന്നിവർ പങ്കെടുത്തു. സി ഇ ഒ ഫോറം പ്രസിഡൻ്റ് എൻ ജി സുനിൽ പ്രകാശ് അദ്ധ്യക്ഷത വഹിച്ചു. ഫോറം ജനറൽ സെക്രട്ടറി ആ ശ്രീകുമാർ നന്ദിയും പറഞ്ഞു.