ദേശീയപാതയിൽ പുല്ലൂർ പെരിയ പഞ്ചായത്ത് ഓഫീസിനു സമീപം ചാലിങ്കൽ മൊട്ടയിൽ നിയന്ത്രണം സ്വകാര്യ ബസ് തലകീഴായി മറിഞ്ഞ് ഡ്രൈവർ മരിച്ചു. വിദ്യാർത്ഥികൾ ഉൾപ്പെടെ നിരവധി പേർക്ക് പരിക്കേറ്റിട്ടുണ്ട്.ബസ് ഡ്രൈവർ കാസർകോട് കൂടൽ സ്വദേശി ചേതൻ രാജാണ് മരണപ്പെട്ടത്.
ഇന്ന് വൈകിട്ട് 4 മണിയോടെ മംഗലാപുരത്തുനിന്നും കണ്ണൂരേക്ക് പോകുകയായിരുന്ന മെഹബൂബ് ബസ് ആണ് അപകടത്തിൽ പെട്ടത്. ദേശീയപാത നവീകരണത്തിന്റെ ഭാഗമായി ടോൾ ബൂത്ത് സ്ഥാപിക്കുന്ന ചാലിങ്കൽ മൊട്ടയിൽ റോഡ് വഴിതിരിച്ച് വിട്ടിരുന്നു. ഇവിടെയുള്ള വളവിൽ നിന്നുമാണ് ബസ് താഴേക്ക് മറിഞ്ഞത്. ബസിനടിയിൽ കുടുങ്ങിപ്പോയ വിദ്യാർഥികൾ ഉൾപ്പെടെയുള്ള യാത്രക്കാരെ പുറത്തേക്കെടുക്കാൻ നാട്ടുകാർക്കും പോലീസിനും ഫയർഫോഴ്സിനും ഏറെ പണിപ്പെടേണ്ടി വന്നു. പരിക്കേറ്റവരിൽ പലരുടെയും നില ഗുരുതരമാണ്. കൂടുതൽ വിവരങ്ങൾ അറിവായിട്ടില്ല