വെള്ളരിക്കുണ്ട് : വെസ്റ്റ് എളേരി പഞ്ചായത്തിലെ നാട്ടക്കൽ പ്രദേശത്ത് പേയിളകിയ നായ മണിക്കൂറുകളോളം ഭീതിയിലാഴ്ത്തി. നായ വീട്ടമ്മ ഉൾപ്പെടെ മൂന്ന് പേരെയും തെഴുത്തിൽ കെട്ടിയ പശു വിനെയും തെരുവ് നായ്ക്കളെയും കടിച്ചു.
കഴിഞ്ഞ ദിവസം വൈകുന്നേരം 7 മണിയോടെയാണ് നായയുടെ പരാക്രമം തുടങ്ങിയത്. ചീർക്കയത്തെ വീട്ടമ്മ ഷിജിയെ (40) കടിച്ച് ഓടിയ നായ നാട്ടക്കൽ കുന്നിലെ കുറുവാട്ട് വീട്ടിൽ ചന്ദ്രൻ (50) നാട്ടക്കൽ പോസ്റ്റ്‌ ഓഫീസിനടുത്ത് താമസിക്കുന്ന കോളത്തൂർ രാഗേഷ് (32) എന്നിവരെയും നാട്ടക്കല്ലിലെ കാവിപ്പുര അപ്പച്ചന്റെ തൊഴുത്തിൽ കെട്ടിയ പശുവിനെയും കടിച്ച് പരിക്കേൽപ്പിച്ചു.
പരിക്കേറ്റവർ കാഞ്ഞങ്ങാട് ജില്ലാ ആശുപത്രിയിൽ ചികിത്സതേടി. ഒടുവിൽ നായയെ മോതിരക്കുന്നിൽ ചത്ത നിലയിൽകണ്ടത്തി.
വെസ്റ്റ് എളേരി പഞ്ചായത്തിലെ നാട്ടക്കൽ ഉൾപ്പെടെ ഉള്ള സ്ഥലങ്ങളിൽ തെരുവ് നായ ശല്യം വർദ്ധിച്ചിരിക്കുകയാണെന്നും ഇതിനെതിരെ പഞ്ചായത്ത് അടിയന്തിര നടപടികൾ സ്വീകരിക്കണമെന്നു മാണ് നാട്ടുകാരുടെ ആവശ്യം.
Web Desk 
