Web Desk 
കാസർകോട്: വീട്ടിൽ നിന്നും സ്കൂളിലേക്ക് പോയി കാണാതായ പ്ലസ് ടു വിദ്യാർത്ഥിനിയുടെ മൃതദേഹം ആളൊഴിഞ്ഞ പറമ്പിലെ കിണറിൽ കണ്ടെത്തി .
കുണ്ടംകുഴി ഹയർസെക്കന്ററി സ്കൂളിൽ പ്ലസ് ടു വിദ്യാർഥിനിയായ ബേഡകം കാമലത്തെ അശ്വതി ( 17 ) യുടെ മൃതദേഹമാണ് വീട്ടിനടുത്തുള്ള പൊട്ടക്കിണറ്റിൽ കണ്ടെത്തിയത്. ഇന്ന് രാവിലെ 8 മണിക്ക് സ്ക്കൂളിൽ പോകുന്നു എന്ന് പറഞ്ഞു വീട്ടിൽ നിന്നും ഇറങ്ങിയതായിരുന്നു. വൈകീട്ട് തിരിച്ചെത്താത്തതിനെ തുടർന്ന് ബന്ധുക്കൾ ബേഡകം പോലീസിൽ പരാതി നൽകി. പരാതിയുടെ അടിസ്ഥാനത്തിൽ പോലീസ് കേസെടുത്തു അന്വേഷണം നടത്തി വരുന്നതിനിടയിലാണ് ബന്ധുക്കൾ പെൺകുട്ടിയുടെ മൃതദേഹം പൊട്ടക്കിണറ്റിൽ കണ്ടെത്തിയത് .
