Web Desk 
നാലു വയസ്സുള്ള കുഞ്ഞിനെയും ഭർത്താവിനെയും ഉപേക്ഷിച്ച് കാമുകനോടൊപ്പം ഒളിച്ചോടിയ യുവതിയെ പോലീസ് അനുനയിപ്പിച്ച് തിരിച്ചെത്തിച്ചു. ഞായറാഴ്ചയാണ് കരിന്തളം കോയിത്തട്ടയിലെ ഇരുപത്തിയാറുകാരിയായ യുവതി ഭർത്താവിനെയും കുഞ്ഞിനെ ഉപേക്ഷിച്ച് കാമുകനോടൊപ്പം ഒളിച്ചോടിയത്. ഞായറാഴ്ച രാത്രി പയ്യന്നൂരിലെ കാമുകന്റെ ബന്ധുവീട്ടിൽ താമസിച്ച ശേഷം ഇന്നലെ പുലർച്ചെ ഇരുവരും പറശ്ശിനിക്കടവ് ക്ഷേത്രത്തിൽ എത്തുകയായിരുന്നു. യുവതിയുടെ ഭർത്താവിന്റെ പരാതിയുടെ അടിസ്ഥാനത്തിൽ കേസെടുത്തു അന്വേഷണം നടത്തുകയായിരുന്ന നീലേശ്വരം പോലീസ് കമിതാക്കളെ പറശ്ശിനിക്കടവ് ക്ഷേത്രത്തിൽ നിന്നും കണ്ടെത്തി സ്റ്റേഷനിലേക്ക് എത്തിച്ചു. സ്റ്റേഷനിൽ നിന്നും മണിക്കൂറുകളോളം ബോധവൽക്കരിച്ചപ്പോൾ യുവതിക്ക് മാനസാന്തരം ഉണ്ടായി. ഒടുവിൽ ഹൊസ്ദുർഗ് ഒന്നാം ക്ലാസ് രണ്ട് മജിസ്ട്രേറ്റ് കോടതിയിൽ ഹാജരാക്കിയ യുവതി കുഞ്ഞിനോടും ഭർത്താവിനോടും ഒപ്പം പോകാൻ തയ്യാറായി.
