ഓട്ടോറിക്ഷ ഡിവൈഡറിൽ ഇടിച്ചു മറിഞ്ഞ് ഡ്രൈവർ മരണപ്പെട്ടു

ഓട്ടോറിക്ഷ ഡിവൈഡറിലിടിച്ച് ഡ്രൈവർ മരണപ്പെട്ടു.മാവുങ്കാൽ നെല്ലിത്തറ എക്കാലിലെ പുലിക്കോടൻ വീട്ടിൽ അനിൽ കുമാർ ( 44) ആണ് മരിച്ചത്. ഇന്നലെ രാത്രി അനിൽ ഓടിച്ച കെ ഓട്ടോറിക്ഷ ഹോസ്‌ദുർഗ് ഹയർ സെക്കന്ററി സ്കൂളിന് മുന്നിലായുള്ള ഡിവൈഡറിൽഇടിച്ചാണ് അപകടം. ഓടിക്കൂടിയ ആളുകൾ അനിലിനെ സ്വകാര്യ ആശുപത്രിയിൽ എത്തിച്ചെങ്കിലും ചികിൽസക്കിടെ മരിച്ചു.

കാഞ്ഞങ്ങാട് ബസ് സ്റ്റാന്റിന് പരിസരത്ത് രാത്രി സമയത്ത് സർവീസ് നടത്താറാണ് പതിവ്. പി. ചന്ദ്രൻ – സോമ കുമാരി ദമ്പതികളുടെ മകനാണ്. ഭാര്യ: രജനി. സഹോദരി: ശ്രീജ. മൃതദേഹം ജില്ലാശുപത്രി മോർച്ചറിയിൽ.