ഡ്യൂട്ടി കഴിഞ്ഞ് വീട്ടിൽ എത്തിയ എ എസ് ഐ ഹൃദയാഘാതത്തെ തുടർന്ന് മരണപ്പെട്ടു

പോലീസ് സ്റ്റേഷൻ ഡ്യൂട്ടി കഴിഞ്ഞ് വീട്ടിലെത്തിയ എ എസ് ഐ ഹൃദയാഘാതത്തെ തുടർന്ന് മരണപ്പെട്ടു. രാജപുരം പോലീസ് സ്റ്റേഷനിലെ എ എസ് ഐ പനത്തടി സ്വദേശി ചന്ദ്രനാ(50)ണ് മരണപ്പെട്ടത്. രാത്രി എട്ടരയോടെ ദേഹാസ്വാസ്ത്യം അനുഭവപ്പെട്ട ചന്ദ്രനെ ഉടൻ പനത്തടി സർക്കാർ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.സ്വാതന്ത്ര്യ ദിന ആഘോഷത്തിന്റെ ഭാഗമായി പോലീസ് സ്റ്റേഷൻ ശുചീകരണ പ്രവർത്തികൾ നടത്തിയ ശേഷമായിരുന്നു ചന്ദ്രൻ വീട്ടിലേക്ക് എത്തിയത്. ഭാര്യ സുജ. രണ്ടു മക്കൾ ഉണ്ട്.