യുവതിയെ പീഡിപ്പിച്ചു ഗൾഫിലേക്ക് കടന്നപ്രതി വിമാനത്താവളത്തിൽ പിടിയിലായി

യുവതിയെ പീഡിപ്പിച്ച ശേഷം ഗൾഫിലേക്ക് കടന്ന യുവാവിനെ വിമാനതാവളത്തിൽ വെച്ച് പോലീസ് പിടികൂടി. പയ്യന്നൂർ തായിനേരിയിലെ ഖദീജ മൻസിലിൽ അബ്ദുള്ള (21) യെയാണ് പയ്യന്നൂർ ഡിവൈ.എസ്.പി.എ.ഉമേഷിൻ്റെ നിർദേശപ്രകാരം എസ്.ഐ.അനിൽ ബാബുവും സംഘവും വിമാനതാവളത്തിൽ വെച്ച് പിടികൂടിയത്. 2022-ൽ ജനുവരിയിൽ സൗഹൃദത്തിലായിരുന്ന പെൺകുട്ടിയെ വിവാഹ വാഗ്ദാനംനൽകി പീഡിപ്പിച്ച് വിദേശത്തേക്ക് കടന്ന ഇയാൾക്കെതിരെ പോലീസ് ലുക്ക് ഔട്ട് നോട്ടീസ് പുറപ്പെടുവിച്ചിരുന്നു. വിദേശത്ത് നിന്നും കഴിഞ്ഞ ദിവസം നാട്ടിലേക്ക് വരവെ കണ്ണൂർ വിമാനത്താവളത്തിൽ വെച്ച് എമിഗ്രേഷൻ വിഭാഗം പിടികൂടി പയ്യന്നൂർ പോലീസിന് കൈമാറുകയായിരുന്നു. പോലീസ് അറസ്റ്റ് ചെയ്ത് കോടതിയിൽ ഹാജരാക്കിയ പ്രതിയെ റിമാൻ്റ് ചെയ്തു.