വിദ്യാർഥിനിയെ പീഡിപ്പിച്ച കേസിലെ പ്രതി തൂങ്ങിമരിച്ചനിലയിൽ

സ്ക്കൂൾ വിദ്യാർഥിനിയെ പീഡിപ്പിച്ച പോക്സോ കേസ്പ്രതിയെ കശുമാവിൻ കൊമ്പിൽ തൂങ്ങി മരിച്ച നിലയിൽ കണ്ടെത്തി. വെള്ളോറ കൂത്തമ്പലം നാലപുര പാട്ടിൽ പ്രകാശനെ (49)യാണ് ആലക്കോട് സ്റ്റേഷൻ പരിധിയിലെ തിമിരി കൂത്തമ്പലത്തെ തറവാട് വീട്ടുപറമ്പിനോട് ചേർന്ന കശുമാവിൽ തൂങ്ങി മരിച്ച നിലയിൽ കണ്ടെത്തിയത്.ടൈൽസ് പണിക്കാരനായ പ്രകാശൻ പെരിങ്ങോം സ്റ്റേഷൻ പരിധിയിലാണ് താമസം. ദിവസങ്ങൾക്ക് മുമ്പ് പെരിങ്ങോം സ്റ്റേഷൻ പരിധിയിലെ സ്കൂൾ വിദ്യാർത്ഥിനിയെ പീഡിപ്പിക്കാൻ ശ്രമിച്ചുവെന്ന പരാതിയിൽ ഇയാൾക്കെതിരെ കഴിഞ്ഞ ദിവസം പെരിങ്ങോം പോലീസ് പോക്സോ നിയമപ്രകാരം കേസെടുത്തിരുന്നു. വിവരമറിഞ്ഞ ഇയാളെ ഇന്നലെ രാത്രിയോടെ കാണാതായിരുന്നു. ഇന്ന് രാവിലെയാണ് തൂങ്ങിയ നിലയിൽ നാട്ടുകാർ കണ്ടത്.