നീന്തൽ പരിശീലനം ഉദ്ഘാടനം ചെയ്തു.

കുമ്പള ഫുട്ബോൾ അക്കാദമിയുടെ , വിദ്യാർത്ഥികൾക്കുള്ള നീന്തൽ പരിശീലന മത്സരം , കുമ്പള സി. ഐ. കെ പി വിനോദ് കുമാർ ഉദ്ഘാടനം ചെയ്തു. കുമ്പള ഫുട്ബോൾ അക്കാദമി കാസർകോട് ജില്ലാ സ്പോർട്സ് കൗൺസിലിന്റെ സഹ കരണത്തോടെ ആരിക്കാടി കെ.പി റിസോർട്ട് സ്വിമ്മിങ് പൂളിലാണ് സൗജന്യ നീന്തൽ പരിശീലന ക്യാംപ് സംഘടിപ്പിച്ചത്.

ഫുട്ബോൾ അക്കാദമി പ്രസിഡൻ്റും കാസർകോട് ബ്ലോക്ക് പഞ്ചായത്ത് സ്ഥിരം സമിതി അധ്യക്ഷനുമായ അഷ്‌റഫ്‌ കർള അധ്യക്ഷനായി. ഖലീൽ മാസ്റ്റർ,കെ.വി യുസഫ് മുഹമ്മദ്‌ കുഞ്ഞി, ഐ.മുഹമ്മദ് റഫീഖ്, ശരീഫ്, സിദ്ദീഖ് ലോഗി.റംസി അഷ്‌റഫ്‌ എന്നിവർ സംസാരിച്ചു.അക്കാദമി ജനറൽ സെക്രട്ടറി ബി.എ റഹിമാൻ സ്വാഗതവും കോ- ഓഡിനേറ്റർ കെ.എം മൊയ്‌തീൻ അസീസ് നന്ദിയും പറഞ്ഞു. പ്രമുഖ പരിശീലകർ പ്രശാന്തിൻ്റെ നേതൃത്വത്തിലാണ് പരിശീലനം നടക്കുന്നത്.നൂറോളം കുട്ടികളാണ് പരിശീലനത്തിന് എത്തുന്നത്.