സംശയരോഗം: ഭാര്യയെ വെടിവെച്ച് കൊന്ന് ഭർത്താവ് തോക്കുമായി പോലീസിൽ കീഴടങ്ങി

മടിക്കേരി: സംശയ രോഗത്തെ തുടർന്ന് ഭാര്യയെ വെടിവച്ചു കൊന്ന ശേഷം
ഭർത്താവ് തോക്കുമായി പൊലീസ് സ്റ്റേഷനിൽ കീഴടങ്ങി. കുടക്, വീരാജ്പേട്ട പൊലീസ് സ്റ്റേഷൻപരിധിയിലെ ബെട്ടോളിയിലെ ശിൽപ (36)യെയാണ് ഭർത്താവ് ബോപ്പണ്ണ(45) കൊലപ്പെടുത്തിയ ശേഷം തോക്കുമായി വീരാജ്പേട്ട പൊലീസ് സ്റ്റേഷനിൽ ഹാജരായത്‌. ഇയാൾഅറിയിച്ചതനുസരിച്ച് പൊലീസ്  ബെട്ടോളിയിലെ വീട്ടിലെത്തി പരിശോധന നടത്തിയാണ് ശിൽപയുടെ മൃതദേഹം കണ്ടെത്തിയത്. ഭാര്യയിലുള്ള സംശയമാണ് ബോപ്പണ്ണ കൊലപാതകം നടത്തിയതെന്ന് സംശയിക്കുന്നതായി പോലീസ് പറഞ്ഞു.