നീലേശ്വരത്തു നിന്നും മോഷ്ടിച്ച ബൈക്ക് കാസർകോട്ട് കണ്ടെത്തി

നീലേശ്വരം: നീലേശ്വരം റെയിൽവേ സ്റ്റേഷൻ പരിസരത്തിൽ നിന്നും മോഷണം പോയ ബൈക്ക് കാസർകോട് വിദ്യാനഗറിൽ ഉപേക്ഷനിലയിൽ കണ്ടെത്തി. ഒരു മാസം മുമ്പ് നീലേശ്വരം റെയിൽവേ സ്റ്റേഷനിൽ സമീപത്ത് നിർത്തിയിട്ടിരുന്ന മലപ്പുറം സ്വദേശിയും നർക്കിലക്കാട് സ്കൂളിലെ അധ്യാപകനുമായ മുബാറക്കിന്റെ മോഷണം പോയ ബൈക്കാണ് നീലേശ്വരം എസ് ഐ കെ വി പ്രദീപും സംഘവും കണ്ടെത്തിയത്. കാസർകോട് എടനീരിലെ മുഹമ്മദ് മുസ്തഫ (18) ആലപ്പാടിയിലെ മൊയ്തീൻ ഫാസിൽ( 19) പ്രായപൂർത്തിയാവാത്ത മറ്റൊരു മോഷ്ടാവ് എന്നിവരെ കണ്ണപുരം പോലീസ് അറസ്റ്റ് ചെയ്തിരുന്നു. ഇവരെ ചോദ്യം ചെയ്തപ്പോഴാണ് നീലേശ്വരം റെയിൽവേ സ്റ്റേഷനിൽനിന്നും ബൈക്ക് മോഷ്ടിച്ചത് തങ്ങളാണെന്ന് ഇവർ വെളിപ്പെടുത്തിയത് ഇതിൻറെ അടിസ്ഥാനത്തിൽ നീലേശ്വരം പോലീസ് ഇവരെ കസ്റ്റഡിയിൽ വാങ്ങി ചോദ്യം ചെയ്തപ്പോഴാണ് വിദ്യാനഗറിൽ ഉപേക്ഷിച്ച ബൈക്ക് കണ്ടെത്തിയത്. എസ്ഐ കെ വി പ്രദീപിനോടൊപ്പം എ എസ് ഐ രമേശൻ , സീനിയർ സിവിൽ പോലീസ് ഓഫീസർ അമൽ രാമചന്ദ്രൻ , സി സിവിൽ പോലീസ് ഓഫീസർ സന്തോഷ് എന്നിവരും ഉണ്ടായിരുന്നു.