Web Desk 
പയ്യന്നൂർ :എറണാകുളത്ത് നടന്ന സംസ്ഥാന ജൂനിയർ (അണ്ടർ 19) ചെസ്സ് ചാമ്പ്യൻഷിപ്പിൽ പയ്യന്നൂരിലെ ആര്യ ജി മല്ലർ ജേതാവ്. എട്ട് റൗണ്ട് മത്സരങ്ങളിൽ 8 മത്സരവും വിജയിച്ച് മുഴുവൻ പോയിൻ്റും കരസ്ഥമാക്കിയാണ് ആര്യ ജി മല്ലർ ഒന്നാം സ്ഥാനം നേടിയത്. കേരളത്തെ പ്രതിനിധീകരിച്ച് ഒക്ടോബറിൽ ജാർഖണ്ഡിൽ നടക്കുന്ന ദേശീയ ജൂനിയർ ചാമ്പ്യൻഷിപ്പിൽ ആര്യ മത്സരിക്കും. പയ്യന്നൂർ ചിന്മയാ വിദ്യാലയത്തിലെ പത്താം ക്ലാസ് വിദ്യാർത്ഥിനിയാണ് ആര്യ ജി മല്ലർ. പയ്യന്നൂർ മുകുന്ദാ ഹോസ്പിറ്റൽ മേധാവി ഡോ. കെ. ഗോപിനാഥിൻ്റെ കൊച്ചു മകളും പരിയാരത്തെ കണ്ണൂർ ഗവ. മെഡിക്കൽ കോളേജ് യൂറോളജി വിഭാഗം മേധാവി ഡോ. ഗൗതം ഗോപിനാഥിൻ്റെയും പയ്യന്നൂർ മുകുന്ദാ ആശുപത്രിയിലെ ഡോ. സ്വരൂപ പൈയുടെയും മകളാണ്. മൂന്നാം ക്ലാസിൽ പഠിക്കുന്ന കിഷൻ ജി മല്ലർ സഹോദരനാണ്.
