Web Desk 
കിനാനൂർ -കരിന്തളം ഗ്രാമ പഞ്ചായത്തും കൃഷിഭവനും സംയുക്തമായി സംഘടിപ്പിച്ച കർഷക ദിനത്തിൽ പഞ്ചായത്തിലെ മികച്ച ക്ഷീര കർഷകനായി ചാമക്കുഴി മുതിരക്കാലിലെ നന്മയാസ് ഡയറി ഫാം ഉടമ ശ്രീജിത്തിനെ തിരഞ്ഞെടുത്തു. നീലേശ്വരം മാർച്ചന്റസ് അസോസിയേഷൻ ഓഫീസിലെ ജീവനക്കാരനാണ് ശ്രീജിത്ത്. കാലിച്ചാനടുക്കം സൊസൈറ്റിയിൽ ദിവസേന 260 ലിറ്റർ പാൽ അളക്കുന്ന ശ്രീജിത്തിനെ പരപ്പ ബ്ലോക്ക് പഞ്ചായത്ത് 2023 ൽ മികച്ച യുവ ക്ഷീര കർഷകൻ അവാർഡ് നൽകിആദരിച്ചു.
ഇത്തവണ കിനാനൂർ കരിന്തളം ഗ്രാമ പഞ്ചായത്ത് കുടുംബശ്രീ സി ഡി എസ് മഴപ്പൊലിമയിൽ വെച്ചും ശ്രീജിത്തിനെ ആദരിച്ചിരുന്നു. കെ കുമാരൻ നായർ എം നാരായണി ദമ്പതികളുടെ മകനാണ്. ഭാര്യ ശ്രുതി ശ്രീജിത്, മക്കൾ: നന്മയശ്രീജിത്ത് , നൻവിക ശ്രീജിത്ത്
