ഭർത്താവിന്റെ ഐസ്ക്രീം ആസിഡ് ബോംബ് ആക്രമണഅതിൽനിന്നും ഭാര്യ ഓടി മാറിയപ്പോൾ ആസിഡ് വീണ് മകന് ഗുരുതരമായി പൊള്ളലേറ്റു. ചിറ്റാരിക്കല്‍ കമ്പല്ലൂരിലെ പി വി സുരേന്ദ്രനാഥിന്റെ മകൻ പിവി സിദ്ധുനാഥിനാണ് (20) ആസിഡ് ആക്രമണത്തില്‍ പൊള്ളലേറ്റത്. സംഭവത്തിൽ സുരേന്ദ്രനാഥിനെതിരെ ചിറ്റാരിക്കല്‍ പൊലീസ് ഗുരുതരമായ വകുപ്പുകള്‍ പ്രകാരം കേസ് രജിസ്റ്റർ ചെയ്തു.
സിദ്ധുനാഥിന്റെ പുറത്താണ് ആസിഡ് ബോള്‍ വീണത്. പുറത്തടക്കം ഗുരുതരമായി പൊള്ളലേറ്റ യുവാവിനെ പരിയാരത്തെ കണ്ണൂർ ഗവ. മെഡിക്കല്‍ കോളജ് ആശുപത്രിയില്‍ അത്യാഹിത വിഭാഗത്തില്‍ പ്രവേശിപ്പിച്ചു.
സുരേന്ദ്രനാഥ് ഭാര്യക്ക് നേരെയാണ് ആസിഡ് ആക്രമണം നടത്തിയത്. രണ്ട് മാസം മുമ്പ് സുരേന്ദ്രനാഥിന്റെ അക്രമത്തിൽ പരിക്കേറ്റു പയ്യന്നൂർ ഗവൺമെന്റ് ആശുപത്രിയിൽ ചികിത്സയിലായിരുന്ന ഭാര്യയെ ഇയാൾ ആശുപത്രിയിൽ അതിക്രമിച്ച കയറി മദ്യക്കുപ്പി പൊട്ടിച്ച്‌ കുത്തിപ്പരിക്കേല്‍പിച്ചിരുന്നു. ഇതുസംബന്ധിച്ച്‌ പയ്യന്നൂർ പൊലീസില്‍ പരാതി നല്‍കിയ വിരോധമാണ് ആസിഡാക്രമണത്തിന് പിന്നിലെന്ന് പൊലീസ് പറയുന്നു.
Web Desk 
