Web Desk 
ക്രൂരമായ ലൈംഗിക അതിക്രമവും പീഡനവും നടത്തുന്നുവെന്ന നവവധുവിന്റെ പരാതിയിൽ ഭർത്താവിനെതിരെയും ഇതിന് കൂട്ടുനിന്ന ഭർതൃമാതാവിനെതിരെയും പോലീസ് കേസെടുത്തു. ആദൂർ നെട്ടണിഗെ സബർഗജയിലെ സഫറുന്നീസയുടെ (24) പരാതിയിലാണ് ഭർത്താവ് ദക്ഷിണ കന്നട വിട്ട്ലയിലെ ബഷീർ അഹമ്മദിനെതിരെ ആദൂർ പോലീസ് കേസെടുത്തത് . വിവാഹം കഴിഞ്ഞ് മൂന്ന് മാസത്തിനുള്ളിൽ അതിക്രൂരമായ ലൈംഗിക അതിക്രമത്തിനാണ് ഇരയായതെന്ന് ഷറഫുന്നീസ പോലീസ് നൽകിയ പരാതിയിൽ പറയുന്നു . കഴിഞ്ഞ ജൂൺ ആറിനാണ് ഇവർ തമ്മിലുള്ള വിവാഹം നടന്നത്. തുടർന്ന് ഭർതൃവീട്ടിൽ വെച്ചും സ്വന്തം വീട്ടിലും വച്ചും പീഡിപ്പിച്ചു എന്നാണ് യുവതിയുടെ പരാതി. പുറത്തിറങ്ങാൻ അനുവദിക്കാതെ വീട്ടിലെ മുറിക്കകത്ത് അടച്ചുപൂട്ടി ദിവസവും നാലു തവണ ബലം പ്രയോഗിച്ച് ലൈംഗീകബന്ധത്തിൽ ഏർപ്പെടുമെന്നും ഇതിന് വിസമ്മതിച്ചാൽ ക്രൂരമായി മർദ്ദിക്കുമെന്നും പല തവണ കാറിൽ കയറ്റി കൊണ്ടുപോയി അടിച്ചുപരിക്കൽപ്പിച്ചതിനെ തുടർന്ന് രക്തസ്രാവം വരെ ഉണ്ടായിയെന്നും സഫറുന്നീസ പരാതിയിൽ ചൂണ്ടിക്കാട്ടി. ഇതിനു പുറമേ വിവാഹ സമ്മാനമായി നൽകിയ 13 പവൻ സ്വർണാഭരണങ്ങൾ തട്ടിയെടുത്തതായും യുവതിയുടെ പരാതിയിൽ പറയുന്നു.
