വയറെരിയുന്നവരുടെ മിഴി നിറയാതിരിക്കാൻ സ്നേഹത്തിന്റെ പൊതിച്ചോർവിതരണത്തിന് ഏഴ് വർഷം

നീലേശ്വരം: സ്നേഹത്തിന്റേയും സൗഹാർദ്ദത്തിന്റേയുംസഹവർത്തിത്വത്തിന്റേയും പ്രതികമായി നീലേശ്വരം താലൂക്കാശുപത്രിയിലെ രോഗികൾക്കും കൂട്ടിരിപ്പുകാർക്കും
ഡി.വൈ.എഫ്.ഐ നിലേശ്വരം ബ്ലോക്ക് കമ്മിറ്റിയുടെ നേതൃത്വത്തിൽ നൽകുന പൊതിച്ചോർ വിതരണത്തിന് ഏഴു വയസ്സ്. 2018 മാർച്ച് 21 ന് കോടിയേരി ബാലകൃഷ്ണനാണ് രാത്രി കാല ഭക്ഷണം വിതരണം ഉദ്ഘാടനം ചെയ്തത്.  7 വർഷം കൊണ്ട് ഒന്നേ മുക്കാൽ ലക്ഷം പൊതിച്ചോറുകൾ ശേഖരിച്ചു വിതരണം ചെയ്തു . ബ്ലോക്കിലെ 212 യൂണിറ്റുകളിലെ വീടുകളിൽ നിന്നും വാഴയിലയിൽ പൊതിഞ്ഞ് പൂർണ്ണമായും പ്ലാസ്റ്റിക്ക് വിമുക്തമാക്കിയ പൊതിച്ചോറുകളാണ് നൽകി വരുന്നത് . കാലം ആവശ്യപ്പെടുന്നടുത്തോളം ഭക്ഷണം നല്കാൻ കഴിയുമെന്ന് ഡി വൈ എഫ് ഐ ബ്ലോക്ക് കമ്മിറ്റി നേതാക്കൾ പറഞ്ഞു.

നീലേശ്വരം താലൂക്ക് ആശുപത്രി പരിസരത്ത് സംഘടിപ്പിച്ച വാർഷിക പരിപാടി ഡി വൈ എഫ് ഐ ജില്ലാ പ്രസിഡന്റ്‌ ഷാലു മാത്യു ഉദ്ഘാടനം ചെയ്തു. എം വി ദീപേഷ് അധ്യക്ഷനായി ഡോ. സ്വാതി,ജില്ലാ കമ്മിറ്റി അംഗം കെ സനുമോഹൻ,അമൃത സുരേഷ്,പാറക്കോൽ രാജൻ, ടി ജി ഗംഗധരൻ, ടി പി ലത, സതി,പി അഖിലേഷ്,പി സുജിത്കുമാർ, വി വി.ജിതേഷ്, ടി കെ അനീഷ്, ഏ കെ സജയ് ജഗദീഷൻ, വി സുകേഷ്, എം. എ നിതിൻ, സബിൻ സത്യൻ, സിനീഷ്കുമാർ ബ്ലോക്ക്‌ സെക്രട്ടറി എം വി രതീഷ് എന്നിവർ സംസാരിച്ചു.

നീലേശ്വരം താലൂക്ക് ആശുപത്രിക്ക് പുറമെ കാസർകോട് ജനറൽ ആശുപത്രി,കാഞ്ഞങ്ങാട് ജില്ലാ ആശുപത്രി, ബേഡകം താലൂക്ക് ആശുപത്രി, മൂളിയാർ സി എച്ച് സി, ചെറുവത്തൂർ വി വി സ്മാരക ഗവ. ആശുപത്രി, തൃക്കരിപ്പൂർ താലൂക്ക് ആശുപത്രി, വെള്ളരിക്കുണ്ട് താലൂക്ക് ആശുപത്രി, പൂടങ്കല്ല് താലൂക്ക് ആശുപത്രി എന്നിവടങ്ങളിലും ഡിവൈഎഫ്ഐ പൊതിച്ചോർ വിതരണം ചെയ്യുന്നുണ്ട്.