കുട്ടികൾക്ക് കൗതുകമായി ബാനം സ്കൂളിൽ ശാസ്ത്ര പരീക്ഷണ കളരി

ബാനം: കുട്ടികൾക്ക് കൗതുകമായി ബാനം ഗവ.ഹൈസ്കൂളിൽ ശാസ്ത്ര പരീക്ഷണ കളരി സംഘടിപ്പിച്ചു. ലഘു പരീക്ഷണങ്ങളിലൂടെ അവതാരകൻ ശാസ്ത്രത്തിന്റെ വിസ്മയച്ചെപ്പ് തുറന്നപ്പോൾ വിദ്യാർത്ഥികൾക്ക് നവ്യാനുഭവമായി. ശാസ്ത്രാധ്യാപകനായ കെ.ചന്ദ്രൻ ചീമേനിയാണ് ചെറുപരീക്ഷണങ്ങളിലൂടെ നിത്യജീവിതത്തിൽ കാണുന്ന പലതിന്റേയും ശാസ്ത്രീയത കുട്ടികൾക്ക് പകർന്നു നൽകിയത്. പി.ടി.എ പ്രസിഡന്റ് പി.മനോജ് കുമാർ, പ്രധാനാധ്യാപിക സി.കോമളവല്ലി, പി.കെ ബാലചന്ദ്രൻ, അനിത മേലത്ത് എന്നിവർ സംസാരിച്ചു.