ഉപജില്ലാ കലോത്സവം കാർട്ടൂണിൽ തിളങ്ങി സാരംഗ്

മാലക്കല്ല് സെൻറ്മേരിസ് ഹയർസെക്കൻഡറി സ്കൂളിൽ നടക്കുന്ന ഹോസ്ദുർഗ് ഉപജില്ല സ്കൂൾ കലോത്സവത്തിൽ കാർട്ടൂൺ മത്സരത്തിൽ കാഞ്ഞങ്ങാട് ദുർഗ ഹയർ സെക്കൻഡറി സ്കൂളിലെ സാരംഗ് മധു ടി ഒന്നാം സ്ഥാനം നേടി. പ്ലസ് വൺ വിദ്യാർത്ഥിയാണ്. കഴിഞ്ഞവർഷം ഉപജില്ലാതലത്തിൽ ഹൈസ്കൂൾ വിഭാഗത്തിലും കാർട്ടൂൺ മത്സരത്തിൽ സാരംഗ് മധുവായിരുന്നു ഒന്നാം സ്ഥാനം നേടിയത്. ജില്ലാ ഇൻഫർമേഷൻ ഓഫീസർ എം മധുസൂദനന്റെയും പ്രസീതയുടെയും മകനാണ്.