Web Desk 
ബീവറേജസ് കോർപ്പറേഷന്റെ നീലേശ്വരം മൂന്നാം കുറ്റിയിലുള്ള ഔട്ട്ലെറ്റിൽ കവർച്ച. ഓഫീസ് മുറിയിൽ കെട്ടിവച്ച നാണയങ്ങൾ മോഷണം പോയിട്ടുണ്ട് മദ്യക്കുപ്പികൾ ഉൾപ്പെടെ മോഷണം പോയിട്ടുണ്ടോ എന്ന് വ്യക്തമായിട്ടില്ല. സ്റ്റോക്കെടുപ്പ് പരിശോധിച്ചാൽ മാത്രമേ എന്തൊക്കെ മോഷണം പോയിട്ടുണ്ടെന്ന് വ്യക്തമാവുകയുള്ളൂ. ഇവിടുത്തെ സിസിടിവി ക്യാമറകൾ അടിച്ചു തകർത്ത് നിലയിലാണ്. രണ്ട് ഡിവിആറുകളിൽ ഒന്ന് മോഷണം പോയിട്ടുണ്ട്.ഇന്ന് രാവിലെ സ്വീപ്പർ എത്തിയപ്പോഴാണ് സ്റ്റെപ്പിനടുത്ത് കമ്പിപാര കണ്ടത്.തുടർന്നു പരിശോധിച്ചപ്പോൾ പൂട്ടുകളും സിസി ക്യാമറകളും തകർത്തതായും കണ്ടു. ഉടൻ മാനേജർ മനോജ്‌കുമാറിനെ വിവരമറിയിച്ചു. മനോജ് കുമാർ നീലേശ്വരം പോലീസുമായി ബന്ധപ്പെട്ട ഉടൻ എസ് ഐ മാരായ വിഷ്ണുപ്രസാദ്, , രതീഷ്,മധുസൂദനൻ മടിക്കൈ എന്നിവർ സ്ഥലത്തെത്തി അന്വേഷണം ആരംഭിച്ചു.
