ഐ എസ് ഡി സ്കൂളിൽ വായനാദിനം ആചരിച്ചു

പയ്യന്നൂർ: ഐ എസ് ഡി ഇന്റർനാഷണൽ ‘സീനിയർ സെക്കണ്ടറി സ്കൂളിൽ വായനാദിനം ആചരിച്ചു. സ്കൂൾ ലൈബ്രറി വിഭാഗത്തിന്റെ ആഭിമുഖ്യത്തിൽ നടന്ന ചടങ്ങിൽ വൈസ് പ്രിൻസിപ്പാൾ കെ.പി. ദിവ്യ മുഖ്യ പ്രഭാഷണം നടത്തി. ഏഴാം തരത്തിലെ സെന്‍ഹ നസ്രിൻ വായനാദിനത്തിന്റെ പ്രാധാന്യത്തെക്കുറിച്ച് പ്രസംഗിച്ചു. കുട്ടികളിലെ വായനാശീലത്തെ പ്രോത്സാഹിപ്പിക്കുന്നതിന് വേണ്ടി ഓരോ ക്ലാസ് മുറികളിലും വായനാ മൂല ഉണ്ടാക്കുകയും വായനാ മത്സരം സംഘടിപ്പിക്കുകയും ചെയ്തു. വായനാവാരാഘോഷത്തിന്റെ ഭാഗമായി വായനാക്കുറിപ്പ് മത്സരവും സംഘടിപ്പിച്ചു. എന്നും കൂടെ നിൽക്കുന്ന നല്ല സുഹൃത്തുക്കളാണ് പുസ്തകങ്ങൾ എന്ന് ഓർമപ്പെടുത്തി കൊണ്ട് മലർവാടി പയ്യന്നൂർ യൂണിറ്റിലെ നുസ സ്കൂൾ വൈസ് പ്രിൻസിപ്പാളിന് പുസ്തക കിറ്റ് കൈമാറി. പ്രോഗ്രാം കമ്മിറ്റി കോഡിനേറ്റർ ശരണ്യ ടീച്ചർ നന്ദി പറഞ്ഞു.