കൊടിയ ചൂടിന് ആശ്വാസ കുളിരേകി സംഭാര വിതരണം

സേവന രംഗത്ത് മാതൃകാപരമായ ജീവകാരുണ്യ പ്രവർത്തനങ്ങൾ നടത്തി നാടിൻ്റെ അഭിമാനമായ ആനന്ദാശ്രമം ലയൺസ് ക്ലബ്ബ് പുത്തൻ വഴികളിലൂടെ ശ്രദ്ധേയരാവുകയാണ്.

ദിനംപ്രതി കൂടി വരുന്ന കൊടിയ വേനൽ ചൂടിൽ വെന്തുരുകുന്ന നാട്ടുകാർക്കും വഴിയാത്രക്കാർക്കും ആശ്വാസ കുളിര് പകരാനാണ് ദാഹജലം ഒരുക്കിയത്.മാവുങ്കാലിൻ്റെ ഹൃദയഭാഗത്ത് ദേശീയപാത അടിപ്പാതയോരത്ത് സജ്ജമാക്കിയ തണ്ണീർ പന്തലിലൂടെയാണ് ക്ലബ്ബിന്റെ പ്രവർകർ സംഭാരവിതരണ പദ്ധതി നടപ്പിലാക്കിയത്.
ലയൺസ് റീജിയൺ ചെയർപേഴ്സൺ തങ്കരാജ് മാണിക്കോത്ത് ദാഹജല പദ്ധതി ഉദ്ഘാടനം ചെയ്തു. ക്ലബ്ബ് പ്രസിഡണ്ട് ജയരാജ് നമ്പ്യാർ അദ്ധ്യക്ഷനായി.ക്ലബ്ബിൻ്റെ വിവിധ ഭാരവാഹിത്വം വഹിക്കുന്ന അംഗങ്ങൾ സംബന്ധിച്ച് ചടങ്ങിൽ മുൻ പ്രസിഡണ്ട് ജനാർദ്ദനൻ മേലത്ത് സ്വാഗതവും ട്രഷറർ പ്രമോദ് മാവുങ്കാൽ നന്ദിയും പറഞ്ഞു.