Web Desk 
ഷാർജ : പള്ളിക്കര ഗവൺമെൻ്റ് ഹൈസ്കൂൾ 1987 – 88 അറബിക് ബാച്ച് വിദ്യാർത്ഥികൾ ഷാർജയിൽ ഒത്ത് ചേരും.
ഒരു വർഷം മുമ്പാണ് നാട്ടിൽ വെച്ച് നീണ്ട മുപ്പത്തിയഞ്ച് വർഷങ്ങൾക്ക് ശേഷം ബാച്ചിൻ്റെ കൂട്ടായ്മ രൂപപ്പെട്ടത്.
പഴയ കാല അദ്ധ്യാപകരെയും അന്ന് കൂട്ടായ്മ ആദരിച്ചിരുന്നു.
ജീവകാരുണ്യ പ്രവർത്തനങ്ങൾക്കും തുടക്കം കുറിച്ചിട്ടുണ്ട്. സെപ്തംബർ 25ന് ഞായറാഴ്ച വൈകുന്നേരം 5മണി മുൽ 10 വരെ ഷാർജ ജമാൽ അബ്ദുന്നാസർ റോഡിലെ അലിമൂസ ടവറിൽ “ഓർമ്മയ്ക്കായ് ഒന്നിച്ചിരിക്കാം” എന്ന പരിപാടിയിൽ വിവിധ കലാകായിക വിനോദ മത്സരപരിപാടികൾ നടക്കും.
