കാഞ്ഞങ്ങാട് : ലോക പാലിയേറ്റിവ് വാരാചരണത്തിന്റെ ഭാഗമായി രോഗീ പരിചരണം പ്രവർത്തനങ്ങളും ഗൃഹ സന്ദർശനവും കിറ്റ് വിതരണവും നടത്തി നന്മമരം കാഞ്ഞങ്ങാട് ചാരിറ്റബിൾ സൊസൈറ്റി മാതൃകയായി. കാഞ്ഞങ്ങാട് നഗരസഭയിലെ എട്ടാം വാർഡിൽ നടന്ന ചടങ്ങ് എഴുത്തുകാരിയും സിനിമാ താരവുമായ സി.പി.ശുഭ ഉദ്ഘാടനം ചെയ്തു. വാർഡിലെ ആശാവർക്കർ. കെ.ബീനയെ നഗരസഭ വികസന സ്ഥിരം സമിതി അധ്യക്ഷ കെ.ലത ആദരിച്ചു. പാലിയേറ്റീവ് പ്രവർത്തകനും നന്മ മരം കാഞ്ഞങ്ങാട് ഭാരവാഹിയുമായഗോകുലാനന്ദൻ മോനാച്ച അധ്യക്ഷനായി.
കാഞ്ഞങ്ങട്ടെ തെരുവിലെ അശരണരായ ആളുകൾക്ക് ദിവസം ഉച്ചക്ക് സൗജന്യമായി ഭക്ഷണം വിതരണം ചെയ്തു വരുന്ന നന്മമരം കാഞ്ഞങ്ങാട് നിരവധി ജീവകാരുണ്യ പ്രവർത്തനങ്ങളും ഏറ്റെടുത്ത് നടത്തിവരുന്നുണ്ട്. തുടർച്ചയായി 1600 ദിവസത്തിൽ അധികമായി ഉച്ചഭക്ഷണ വിതരണം മുടക്കം കൂടാതെ തുടരുന്നു.
പരിപാടിക്ക് ദിനേശൻ എക്സ്പ്ലസ്, ഷിബു നോർത്ത് കോട്ടച്ചേരി , രാജൻ വി. ബാലൂർ , വിനു വേലാശ്വരം, കെ അഞ്ജലി എന്നിവർ നേതൃത്വം നൽകി.
Web Desk 
