കാഞ്ഞങ്ങാട് : കേരള സംസ്ഥാന ബാലസാഹിത്യ ഇൻസ്റ്റിട്യൂട്ട് വിദ്യാർത്ഥികൾക്കായി പ്രസിദ്ധീകരിച്ച പുസ്തകകങ്ങൾ കാസർകോട് ജില്ലയിലെ എല്ലാ വിദ്യാലയങ്ങളിലും എത്തിക്കുവാനുള്ള പത്മശ്രീ പുസ്തകവണ്ടി ഹൊസ്ദുർഗ് ഹയർ സെക്കൻഡറി സ്കൂളിൽ എത്തി. സ്കുളിൽ പുസ്തകവണ്ടിക്ക് സ്കൂൾ അധികൃതരും കുട്ടികളും ചേർന്ന് സ്വീകരണം നൽകി. കവിയും കേന്ദ്ര സാംസ്കാരി വകുപ്പ് സീനിയർ ഫെലോയുമായ നാലപ്പാടം പത്മനാഭൻ സീനിയർ അസിസ്റ്റൻ്റ് സംഗീത ടീച്ചർക്ക് പുസ്തകം കൈമാറിക്കൊണ്ട് ബാലസാഹിത്യ പുസ്തകോത്സവം ഉദ്ഘാടനം ചെയ്തു. രഘുമാസ്റ്റർ, അമ്പിളി ടീച്ചർ, ബാലാമണി ടീച്ചർ എന്നിവർ സംബന്ധിച്ചു. വിദ്യാർത്ഥികളും അധ്യാപകരും രക്ഷിതാക്കളും പുസ്തക വണ്ടി സന്ദർശിച്ച് ഇഷ്ടാനുസരണം പുസ്തകങ്ങൾ തെരഞ്ഞെടുത്തു.
Web Desk 
