കോട്ടപ്പുറം യൂണിറ്റ് കേരള മുസ്ലിം ജമാഅത്ത്, എസ് വൈ എസ്, എസ് എസ് എഫ് മഹ്ളറത്തുൽ ബദരിയ്യ മജ്‌ലിസും ഇഫ്താർ മീറ്റും റിലീഫ് വിതരണവും സംഘടിപ്പിച്ചു. എൻ പി അബ്ദുൽ ഹമീദ് മാസ്റ്ററുടെ അധ്യക്ഷതയിൽ അബ്ദുൽ സത്താർ ഉദ്ഘാടനം ചെയ്തു.
ബീവി ഫാത്തിമ അക്കാദമി പ്രിൻസിപ്പൽ സക്കരിയ അഹ്സനി പ്രാർത്ഥന നടത്തി. അനാഥ കുട്ടികൾക്കുള്ള പെരുന്നാൾ വസ്ത്ര സാമ്പത്തിക സഹായം കേരള മുസ്ലിം ജമാഅത്ത് കാസർകോട് ജില്ലാ സെക്രട്ടറി വി സി.അബ്ദുള്ള സഅദിയും കിറ്റ് വിതരണം നീലേശ്വരം നഗരസഭാ സ്റ്റാൻഡിങ് കമ്മിറ്റി ക്ഷേമ കാര്യ സമിതി ചെയർമാൻ ഷംസുദ്ദീൻ അരിഞ്ചിറയും നിർധന രോഗികൾക്കുമുള്ള സാമ്പത്തിക സഹായ വിതരണ ഉദ്ഘാടനം കോട്ടപ്പുറം ജമാഅത്ത് കമ്മിറ്റിയംഗം കെ പി ശാഹിയും നിർവഹിച്ചു.
പ്രവാസികളുടെയും നാട്ടുകാരുടെയും സഹകരണത്തോടെ അര ലക്ഷം രൂപയുടെ റിലീഫ് വിതരണമാണ് കോട്ടപ്പുറം യൂണിറ്റ് സംഘടിപ്പിച്ചത്. കെ പി മൊയ്തു ഹാജി, കെ പി സമീർ, നാസർ തലക്കൽ, ഫാറൂഖ് പെരുമ്പ , സ്വാലിഹ് ഹാജി തുടങ്ങിയവർ ആശംസാ പ്രസംഗം നടത്തി. ഇസ്ഹാഖ് കോട്ടപ്പുറം സ്വാഗതവും അഫ്സൽ ഇടക്കാവിൽ നന്ദിയും പറഞ്ഞു
Web Desk 
