Web Desk 
കാഞ്ഞങ്ങാട്: കോൺഗ്രസിന്റെ മുതിർന്ന നേതാവും മുൻ മുഖ്യമന്ത്രിയുമായ ഉമ്മൻചാണ്ടിയുടെ ഒന്നാം ചരമ വാർഷികം പത്തൊമ്പതാം വാർഡ് കോൺഗ്രസ് കമ്മിറ്റിയുടെ നേതൃത്വത്തിൽ ചിത്താരി കല്ലിങ്കാലിൽ സമുചിതമായി ആചരിച്ചു. ചിത്താരി കല്ലിങ്കാൽ രാജീവ് ഭവനിൽ നടന്ന പുഷ്പാർച്ചനയും അനുസ്മരണ പരിപാടിയും ജവഹർ ബാൽമഞ്ച് സംസ്ഥാന കോഡിനേറ്ററും വാർഡ് കോൺഗ്രസ് പ്രസിഡണ്ടുമായ വി. വി. നിഷാന്ത് ഉദ്ഘാടനം ചെയ്തു. അജാനൂർ മണ്ഡലം കോൺഗ്രസ് വൈസ് പ്രസിഡണ്ട് കെ. വി. രമേശൻ അധ്യക്ഷത വഹിച്ചു. അജാനൂർ മണ്ഡലം വൈസ് പ്രസിഡണ്ട് കെ. ചന്ദ്രൻ, കെ. പി. വിജയൻ, കെ. നാരായണൻ, പി. രവീന്ദ്രൻ, കെ. പി. ഉദയകുമാർ, ദിലീപ് കൊവ്വൽ, കെ. മോഹനൻ, വേണു കല്ലിങ്കാൽ, എം.വി. സുനിൽകുമാർ, എം.വി. കൃഷ്ണൻ, അനുരാജൻ എന്നിവർ സംസാരിച്ചു. കെ. സി. ശശി സ്വാഗതം പറഞ്ഞു.
തുടർന്ന് ചിത്താരി കല്ലിങ്കാൽ ഗവൺമെന്റ് എൽ.പി സ്കൂളിലെയും, കല്ലിങ്കാൽ അംഗൻവാടിയിലെയും മുഴുവൻ കുട്ടികൾക്കും മറ്റ് പൊതുജനങ്ങൾക്കും പായസ വിതരണവും നടത്തി.
