The Times of North

Breaking News!

നെടുങ്കണ്ടയിലെ മാട്ടുമ്മൽ രാജൻ അന്തരിച്ചു   ★  സാമ്പത്തിക ഞെരുക്കത്തിന് കാരണം സർക്കാരിന്റെ കെടുകാര്യസ്ഥത: പിസി സുരേന്ദ്രൻ നായർ   ★  കണ്ണാടിപ്പറമ്പ് കൊറ്റാളി കാവ് പൂരോത്സവം നാടു വലംവെപ്പ് ആരംഭിച്ചു   ★  യു.ഡി.എഫ് രാപ്പകൽ സമരം - ഇടത് ദുർഭരണത്തിനുള്ള താക്കീതാകും   ★  അനന്തപുരം കിന്‍ഫ്രാപാര്‍ക്കില്‍ യുവാവ് ഷോക്കേറ്റ് മരിച്ചു   ★  മധ്യവയസ്കൻ ട്രെയിൻ തട്ടി മരിച്ച നിലയിൽ   ★  മധ്യവയസ്കൻ ട്രെയിൻ തട്ടി മരിച്ച നിലയിൽ   ★  കുമ്പളപള്ളി സ്കൂൾ വാർഷികവും ,യാത്രയയപ്പും പ്രീ പ്രൈമറി ഫെസ്റ്റും നാളെ   ★  പരപ്പ ഫെസ്റ്റിൽ സംഘടിപ്പിച്ച ആന്റിഡ്രഗ് ക്യാമ്പയിൻ വെള്ളരിക്കുണ്ട് പോലീസ് സ്റ്റേഷൻ ഇൻസ്പെക്ടർ ടി കെ മുകുന്ദൻ ഉദ്ഘാടനം ചെയ്തു.   ★  പന്തൽ കെട്ടുമ്പോൾ വഴക്കു പറഞ്ഞ വയോധികനെ ആക്രമിച്ചു

വന്യമൃഗ ശല്യം : ഫോറസ്റ്റ് ഓഫീസ് മാർച്ചിൽ പ്രതിഷേധമിരമ്പി

കരിന്തളം: വന്യമൃഗങ്ങളുടെ ശല്യം രൂക്ഷമായതോടെ കരിന്തളത്ത് ജനജീവിതം ദുഷ്കരമായ സാഹചര്യത്തിൽ കെ എസ് കെ ടി യു കരിന്തളം ഈസ്റ്റ് വില്ലേജ് കമ്മിറ്റിയുടെ നേതൃത്വത്തിൽ ഇന്ന് രാവിലെ ഫോറസ്റ്റ് ഓഫീസിലെക്ക് സംഘടിപ്പിച്ച മാർച്ചിലും ധർണ്ണയിലും പ്രതിഷേധമിരമ്പി . മാർച്ചും ധർണ്ണയും കെ എസ് കെ ടി യു സംസ്ഥാന ജോയൻ്റ് സെക്രട്ടറി വി കെ രാജാൻ ഉദ്ഘാടനം ചെയ്തു. ജനങ്ങളുടെ ജീവനോപാധിയായ കാർഷിക വിളകൾ നശിപ്പിച്ചും, ജീവനുതന്നെ ഭീഷണിയുമാകുന്ന നിലയിൽ വന്യമൃഗങ്ങൾ വിഹരിക്കുകയാണ്. കർഷകർ ഏറെ അധ്വാനിച്ച് ഉണ്ടാക്കുന്ന കാർഷികവിളകൾ ഒന്നും തന്നെ കർഷകർക്ക് വിളവെടുക്കാൻ കിട്ടുന്നില്ല എന്നും വി കെ രാജൻ ഉദ്ഘാടനം ചെയ്തു കൊണ്ട് പറഞ്ഞു. പുലർച്ചെ ജോലിക്ക് പോകുന്ന ടാപ്പിംഗ് തൊഴിലാളികളെ പലപ്പോഴും പന്നി ആക്രമിച്ച് ഗുരുതരമായി പരിക്കേൽപ്പിക്കുന്ന സ്ഥിതി ഉണ്ടായിട്ടുണ്ട് . ഇപ്പോൾ ചില പ്രദേശത്ത് പുലി ഉൾപ്പെടെയുള്ള വന്യമൃഗങ്ങൾ ഇറങ്ങി എന്നതും ജനങ്ങളെ ഭീതിയിലാക്കിയിരിക്കുന്നു ഇതിനെല്ലാം തന്നെ ശാശ്വത പരിഹാരം കാണണം. നാട്ടിൽ പെരുകുന്ന പന്നി ഉൾപ്പെടെ യുള്ള വന്യമൃഗങ്ങളെ വെടി കൊല്ലാനുള്ള നടപടികൾ സ്വീകരിക്കണമെന്നും വി കെ രാജൻ ആവശ്യപ്പെട്ടു. കരിന്തളം ബാങ്ക് പരിസരത്ത് നിന്നാരംഭിച്ച പ്രകടനത്തിൽ സ്ത്രീകൾ ഉൾപ്പെടെ നിരവധിപേർ പങ്കെടുത്തു . വില്ലേജ് പ്രസിഡണ്ട് കെ. ലെനിൻ പ്രസാദ് അധ്യക്ഷത വഹിച്ചു. ഏരിയ സെക്രട്ടറി കെ സതീശൻ ,വരയിൽ രാജൻ എന്നിവർ സംസാരിച്ചു. വില്ലേജ് സെക്രട്ടറി എം ചന്ദ്രൻ സ്വാഗതവും പി പി രാജേഷ് നന്ദിയും പറഞ്ഞു.

Read Previous

അഴിത്തല അങ്കണവാടി ബീച്ച് റോഡ് നവീകരണത്തിന് 59.70 ലക്ഷം അനുവദിച്ചു

Read Next

കാലിച്ചാമരം പള്ളപ്പാറയിലെ കള്ളിപ്പാൽ വീട്ടിൽ കല്യാണിയമ്മ അന്തരിച്ചു

Leave a Reply

Your email address will not be published. Required fields are marked *

error: Content is protected !!
n73