The Times of North 
ജീവകാരുണ്യ പ്രവർത്തന രംഗത്ത് സക്രീയ സാന്നിധ്യമായ ആശ്വാസ് പട്ടേന ഫെബ്രുവരി മൂന്നിന് ഉത്തരമേഖല പുരുഷ-വനിത വടംവലി മത്സരം സംഘടിപ്പിക്കും. കണ്ണൂർ-കാസർകോട് ജില്ലകളിലെ 10 വനിത ടീമുകളും 25 പുരഷ ടീമുകളും മത്സരത്തിൽ പങ്കെടുക്കുമെന്ന് ഭാരവാഹികൾ അറിയിച്ചു.
വൈകുന്നേരം ഏഴിന് എം.രാജഗോപാൻ എം.എൽ.എ. ഉദ്ഘാടനം ചെയ്യും. ദേശീയ കായിക താരം കെ.സി.ഗിരീശൻ സംബന്ധിക്കും. നീലേശ്വരത്തെയും സമീപ പ്രദേശങ്ങളിലേയും പഴയകാല കായികതാരങ്ങളെ ചടങ്ങിൽ ആദരിക്കും. പാലിയേറ്റീവ് ഉപകരണങ്ങളുടെ വിതരണവും നടക്കും.
പത്രസമ്മേളനത്തിൽ ഡോ.വി.സുരേഷ്, ജയറാം നീലേശ്വരം, ജിതിൽ മോഹനൻ, ഇ.കെ.സുനിൽ, ബിന്ദു മരങ്ങാട്, കെ.ദിനേശൻ എന്നിവർ പങ്കെടുത്തു.
