അമ്പത് വർഷത്തിന്റെ നിറവിൽ നിൽക്കുന്ന നീലേശ്വരം ജെ.സി.ഐയുടെ സുവർണ്ണ ജൂബിലി ആഘോഷം ‘സുവർണ്ണ മഹോത്സവം-2024’ ന്റെ ഭാഗമായി തെരഞ്ഞെടുക്കപ്പെട്ട എട്ട്, ഒമ്പത് ക്ളാസ്സുകളിലെ അമ്പത് വിദ്യാർത്ഥികളെ ഉൾപ്പെടുത്തി ലീഡേഴ്സ് ക്ലബ്ബ് രൂപീകരിച്ചു. പ്രശസ്ത മാന്ത്രികൻ ഗോപിനാഥ് മുതുകാട് ലീഡേഴ്സ് ക്ലബ് ഉദ്ഘാടനം ചെയ്തു. ജെ.സി.ഐ മുൻ ദേശീയ പ്രസിഡണ്ടും സുവർണ്ണ ജൂബിലി സംഘാടകസമിതി ചെയർമാനുമായ അഡ്വ.എ.വി.വാമനകുമാർ അധ്യക്ഷനായി. ഉദ്ഘാടനത്തെത്തുടർന്ന് നടന്ന ‘മുതുകാടും കുട്ട്യോളും’ -പരിപാടിയിൽ ഗോപിനാഥ് മുതുകാട് വിദ്യാർത്ഥികളുമായി സംവദിച്ചു.ലീഡേഴ്സ് ക്ലബ്ബ് ചെയർമാൻ പി.ആർ. ശ്രീനി, കാർഷിക വികസന വെൽഫേയർ സൊസൈറ്റി പ്രസിഡണ്ട് കെ.പി രവീന്ദ്രൻ, സോൺ വൈസ് പ്രസിഡണ്ട് ശ്രീലാൽ കരിമ്പിൽ, പ്രവീൺ മേച്ചേരി, പി. കെ ദീപേഷ്, ഷൈബുമോൻ തുടങ്ങിയവർ സംസാരിച്ചുവി.വിധ പരിശീലന പരിപാടികളിലൂടെ വിദ്യാർത്ഥികളിൽ നേതൃഗുണം വളർത്തിയെടുക്കുന്നതിനാണ് ലീഡേഴ്സ് ക്ലബ് രൂപീകരിച്ചത്.
Web Desk 
