Web Desk 
നീലേശ്വരം അഞ്ഞൂറ്റമ്പലം വീരർ കാവ് ക്ഷേത്ര കളിയാട്ട മഹോത്സവത്തോടനുബന്ധിച്ചുണ്ടായ വെടിക്കെട്ട് അപകടത്തിൽ പൊള്ളലേറ്റ് വിവിധ ആശുപത്രിയിൽ കഴിയുന്നവർക്ക് സർക്കാർ അടിയന്തര സഹായം നൽകണമെന്ന് നീലേശ്വരം നഗരസഭാ കൗൺസിലർ ഇ ഷജീർ ആവശ്യപ്പെട്ടു. കോഴിക്കോട്, കണ്ണൂർ, മംഗളൂരു തുടങ്ങിയ മൾട്ടി സ്പെഷാലിറ്റി ആശുപത്രികളിൽ ഉൾപ്പെടെ 154 ഓളം പേരാണ് ഇപ്പോൾ ചികിത്സയിൽ കഴിയുന്നത്. ഇവരിൽ പലരും പാവപ്പെട്ടവരാണ് അതുകൊണ്ടുതന്നെ ഇക്കാര്യത്തിൽ സർക്കാർ അടിയന്തരമായ ഇടപെടൽ നടത്തണമെന്നും രോഗികൾക്ക് ചികിത്സാസഹായം നൽകണമെന്നും മുഖ്യമന്ത്രിക്ക് നൽകിയ നിവേദനത്തിൽ ഷജീർ ആവശ്യപ്പെട്ടു
