നീലേശ്വരം ശ്രീ മഹേശ്വരി ക്ഷേത്രത്തിൽ നവരാത്രി ആഘോഷ കമ്മിറ്റി രൂപീകരിച്ചു.

നീലേശ്വരം ശ്രീ മഹേശ്വരി ക്ഷേത്രത്തിൽ ഒക്ടോബർ 3 മുതൽ 13 വരെ നടക്കുന്ന നവരാത്രി ആഘോഷ നടത്തിപ്പിനുള്ള വിപുലമായ കമ്മിറ്റി രൂപീകരിച്ചു. ക്ഷേത്രം അന്നപൂർണേശ്വരി ഹാളിൽ നടന്ന ആഘോഷകമ്മിറ്റി രൂപീകരണയോഗം മുൻ സ്കൂൾ കലാപ്രതിഭ ഡോ :ജി കെ ശ്രീഹരി ഉത്ഘാടനം ചെയ്തു. ക്ഷേത്രം പ്രസിഡന്റ്‌ പി കെ വിജയൻ അധ്യക്ഷനായി.ചെയർമാൻ കെ. രാമകൃഷ്ണൻ, വർക്കിംഗ്‌ ചെയർമാൻ പി കെ വിജയൻ, ജനറൽ കൺവീനർ ഇ. അനിൽകുമാർ എന്നിവരെയും വിവിധ സബ് കമ്മിറ്റി ഭാരവാഹികളെയും തെരഞ്ഞെടുത്തു.
ഇ. അനിൽകുമാർ സ്വാഗതവും, എ. പദ്മനാഭൻ നായർ നന്ദിയും പറഞ്ഞു. എം. നാരായണൻ, കെ. രാജൻ, രജീഷ് കോറോത്ത്, ചന്ദ്രൻ നവോദയ, ദിനേഷ്. കെ, വിനോദ് കുമാർ അരമന, ഇ. സി. വിജയൻ, ശിവൻ, പുഷ്പ, പ്രിയ, പ്രവീൺ. പി. കെ, രാമചന്ദ്രൻ നായർ, ദാമോദരൻ. കെ. എം എന്നിവർ സംസാരിച്ചു.