ലോക്സഭാ തിരഞ്ഞെടുപ്പ്; കേന്ദ്രസേന ഏപ്രിൽ 20-ന് നീലേശ്വരത്ത് എത്തും

നീലേശ്വരം : ലോക്സഭാ തിരഞ്ഞെടുപ്പുമായി ബന്ധപ്പെട്ട് ക്രമസമാധാന പരിപാലന സേവനത്തിനായി കേന്ദ്ര സേന ഏപ്രിൽ 20 ന് നീലേശ്വരത്ത് എത്തും.

കേന്ദ്ര സേനക്കായി കോട്ടപ്പുറം ഗവ.ഹയർ സെക്കണ്ടറി സ്കൂളിൽ താമസ സൗകര്യങ്ങൾ ഏർപ്പെടുത്തും. കാസർകോട് സ്പെഷ്യൽ മൊബൈൽ സക്വാഡ് ഡിവൈഎസ്പി എം കൃഷ്ണൻ, ഇൻസ്പെക്ടർ മധുസൂദനൻ, നീലേശ്വരം ഇൻസ്പെക്ടർ ഉമേശൻ കെ.വി, സ്റ്റേഷൻ റൈറ്റർ മഹേന്ദ്രൻ എം, അസിസ്റ്റന്റ് റൈറ്റർ അബ്ദുൾ സുബൈർ എന്നിവർ കോട്ടപ്പുറം സ്കൂൾ സന്ദർശിച്ച് സൗകര്യങ്ങൾ വിലയിരുത്തി.